v.kalathur - வ.களத்தூர் அப்பாவி இந்துக்களை பழிவாங்க தயாராகும் சட்டம்....

வ.களத்தூரை சுற்றியுள்ள பகுதிகளில் புதிதாக முளைத்துள்ள சுவரொட்டிகள் மதகலவர தடுப்பு மசோதாவை மத்திய அரசு உடனடியாக நிறைவேற்றவேண்டும் என கூக்குரலிடுகின்றன ......... நாமும் மதகலவரத்தை தடுக்க மசோதா கொண்டுவந்தால் நல்லதுதானே நாம் கருதலாம்........

துபையிலோ அல்லது சவுதியிலோ இருக்கும் ஒரு  முஸ்லிம் நபர் வ.களத்தூரில் இருக்கும் ஒரு இந்து மீது, 1951 ல் நமது ஊரில் நடைபெற்ற மதக்கலவரம் தொடர்பாக போலீசிடம் புகார் தரலாம் (பகுதி-129)..................... , அவ்வாறு தரப்படும் புகார் மீது, உடனடியாக புகாரின் உண்மைத்தன்மை பற்றி எவ்வித விசாரணையும் செய்யாமல் முதல் தகவல் அறிக்கை (FIR) பதிவு செய்யப்படவேண்டும் (பகுதி -58) ....................... புகாரின்மீது உடனடியாக நடவடிக்கை எடுத்து குற்றம் சாட்டப்பட்டவரை கைது செய்ய வேண்டும்.............. மேலும் கைதுசெய்யப்பட்ட நபர்தான் , தான் குற்றமற்றவர் என நிரூபிக்க வேண்டும் , புகார் கொடுத்தவர் நிரூபிக்க வேண்டிய அவசியமில்லை .அதுவரை அவர் குற்றம் செய்தவராகவே கருதப்படுவார். (பகுதி – 73, 7.41 மற்றும் 74.1) .................................... இந்த சட்டத்தின் கீழ் கைது செய்யப்படுபவர் ஜாமீனில் வெளிவரமுடியாது ( பகுதி- 58)..................................... குற்றம்சாட்டப்பட்டவர் , புகார் கொடுத்தவர்மீது வழக்கு விசாரயின்போது குறுக்கு விசாரணை செய்ய முடியாது (பகுதி-69).............  மேலும் வழக்கு விசாரணை நடைபெற்றுக்கொண்டிருக்கும்போது கைது செய்யப்பாட்டவரின் சொத்தை நீதிமன்றம் ஜப்தி செய்யலாம். (பகுதி -89)........................    .இந்த வழக்கு தொடர்பாக வாதாட அரசு சிறப்பு வழக்கறிஞர்களை நியமிக்கவேண்டும்.  அரசு வழக்கறிஞர்களில் , மூன்றில் ஒரு பகுதியினர் சிறுபான்மையினராக இருக்கவேண்டும்  வழக்கறிஞர் சரியல்லை என இஸ்லாமியர் கருதும் பட்சத்தில் அவரை நீக்கிவிட வேண்டும்.(பகுதி- 78.3)...........................  இச்சட்டத்தின் கீழ் சிறுபான்மையினர் மட்டுமே புகார் கொடுக்க முடியம்.

இந்திய அரசியல் அமைப்புச்சட்டதின் படி இஸ்லாமியர், கிறித்தவர், சீக்கியர் தவிர அனைவரும் இந்துக்களே. இதன்படி பள்ளர், பறையர், உடையார், நாயுடு, ரெட்டி என்ற வேறுபாடு கிடையாது. அனைவரும் இந்துக்களே. எனவே இச்சட்டத்தின்படி  சிறுபான்மையினர் என்றழைக்கப்படும் வ.களத்தூர் முஸ்லிம்கள், சாதி இந்துக்கள் என்று அழைக்கப்படும் உடையார், படையாச்சி, நாயுடு மீது மட்டுமல்லாமல் , ஆதி திராவிடர்கள் என்று அழைக்கப்படும் பறையர் மீதும் புகார் தரலாம். நமது ஊரைப்போறுத்த அளவில்  முஸ்லிம்கள் பெரும்பான்மையினராக இருக்கும் ஒரு சூழ்நிலையில்  அப்பாவி இந்துக்கள், இச்சட்ட மசோதா நிறைவேறினால் கண்டிப்பாக பழிவாங்கப்படுவார்கள்.

மத கலவர தடுப்பு மசோதா என்ற கருப்பு சட்டத்தை தடுத்தால்தான் நமக்கு வாழ்வுண்டு உறவுகளே.......... உணர்வோம்............ ஒன்றுபட்டு போராடுவோம்.

 

Read More

v.kalathur - ஊரணித்திருவிழா 2௦13.

v.களத்தூர் - வ.களத்தூர் ஊரணி திருவிழா.........

Read More

v.களத்தூர் - மாற்றுத்திறனாளிகள் தினத்தில் ஒரு உழவார பணி ........

                    v.kalaththur -    வ.களத்தூர் - விவேகானந்தர் இளைஞர் நற்பணிமன்றம் சார்பில் மாரியம்மன் கோவிலில் , நடைபெற்ற களைக்கொல்லி மருந்து தெளிப்பு பணி .....

Read More

v.kalathur - v.களத்தூர் கார்திகை தீபத்திருவிழா........

Read More

v.kalathur - நல்லேரு , இது நம்ம ஊரு திருவிழா.....

Read More

நெல்லிக்கனியின் சிறப்பு

வணக்கம் உறவுகளே......

முதுமையை வெல்ல

இளமையை விரும்பாதவர்கள் எவரும் இருக்க முடியாது. இளமையின் வேகம், செயல்பாடு, புத்துணர்வு போன்றவை முதுமையில் கிடைப்பதில்லை. ஆனால் முதுமையை வென்று என்றும் இளமையுடனும் துடிப்புடனும் அதே உத்வேகத்துடன், அனுபவமிக்க இளைஞனாக சிலர் வலம் வருவதை நாம் இன்றும் காணலாம்.

முதுமை என்பது இயற்கை தரும் அனுபவ மருந்து. அந்த முமுமையையும் இளமையாக கொண்டு வர பல அற்புதங்களை இயற்கையே படைத்துள்ளது.

ஆனால் இதைப் பயன்படுத்தாமல் அலட்சியம் செய்த சிலர் 30 வயதிலே 60 வயது முதியவர்போல் தோற்றமளிக்கின்றனர்.

அதற்கு காரணம் முறையற்ற உணவு, உடற்பயிற்சியின்மையே.

இப்படி இளமையை முதுமையாக்கி உடலை நோய்களின் கூடாரமாக மாற்றியிருக்கும் இக்கால சமுதாயத்தை அன்றே உணர்ந்து என்றும் இளமையுடன் தோற்றமளிக்க தேரையர் என்ற சித்தர் தான் எழுதிய தேரன் கண்ட உண்மை என்னும் நூலில்

மூப்புளகா யந்தணிந்து மோகம் பிறக்குமிள
மாப்பிளை போலேயழகு வாய்க்குமே சேப்புவருங்
கோமய முறுங்கறியை கொள்ளவி ரண்டுபங்கா

யாமலக முண்ணமுறை யால்

பொருள்

முதுமையை தொட்டவர்கள் இளமை நிறைந்த மாப்பிள்ளைகள் போல் அழகுடன் இருக்க நெல்லிக் கனியை பாகம் செய்து சாப்பிடச் சொல்கின்றனர்.

அரசன் அதியமான் தனக்குக் கிடைத்த அற்புத நெல்லிக்கனியை தான் உண்ணாமல் சங்கத்தமிழ் கண்ட மூதாட்டி அவ்வைக்கு கொடுத்ததாக பல வரலாற்று நூல்கள் மூலம் அறிகிறோம். இதிலிருந்து நெல்லிக்கனியின் அற்புதங்கள் அனைவருக்கும் புரியவரும்.

நெல்லிக்கனி மூப்பை தடுக்கும்முறை

முதுமையை தடுக்கும் குணம் நெல்லிக்கனிக்கு உண்டு என்பதை சித்தர்கள் முதல் பாமரர் வரை அறிவர். ஆனால் நவீன ஆராய்ச்சி மூலம் இதை உண்மை என உரைத்திருக்கின்றனர்.

ஒரு நெல்லிக்கனியில் 482.14 (Unit of super oxide dismutase) என்னும் அதிக சக்தி வாய்ந்த ச்ணtடிணிதுடிஞீச்tஞு என அழைக்கப்படும் நோய் எதிர்ப்பு சக்தி கொண்டது. முதுமையை விரட்டும் தன்மை கெண்டது.

ஆண்டி ஆக்ஸிடேட் என்பது உடலில் உள்ள நச்சுப்பொருள்களை அகற்றி நோய் நொடிகளிலிருந்து உடலைக் காத்து முதுமையை துரத்தி என்றும் இளமையுடன் உடலை நன்னிலையில் இருக்கச் செய்யும் சக்தி இதற்குண்டு.

நெல்லிக்கனி பித்தத்தை சமப்படுத்தும்

பித்த அதிகரிப்பே முதுமைக்கும், உடல் சோர்வுக்கும் முக்கிய காரணமாகிறது. பித்தத்தைக் குறைத்து உடலிலும் இரத்தத்திலும் தேங்கியுள்ள கொழுப்புகளை உடைத்து கரைத்து வெளியேற்றும் தன்மை நெல்லிக்கனிக்கு உண்டு.

நெல்லிக்கனியின் சிறப்பு

நெல்லிக்கனியின் சிறப்புகளை கடந்த இதழ்களில் கண்டுள்ளோம். அதுபோல் இதன் சிறப்பை ஒரு புத்தகமே எழுதும் அளவுக்கு பயனுள்ளது.

ஆரஞ்சு பழத்தை விட நெல்லிக்கனியில் 20 மடங்கு வைட்டமின் சி சத்து நிறைந்துள்ளது.

ஆப்பிளைவிட 3 மடங்கு புரதச் சத்து நெல்லியில் உள்ளது. அஸ்கார்பிக் அமிலம் என்னும் உயிர்ச்சத்து 160 மடங்கு நெல்லிக்கனியில் உள்ளது.

நெல்லிக்கனியில் உள்ள வைட்டமின் சி சத்து உடலில் உள்ள இரும்புச் சத்து உட்கிரகிக்கப்படுவதை ஊக்கப்படுத்துகிறது.

எச்.ஐ.வி, இன்புளுன்சா வைரஸ்கள் தாக்காமல் தடுக்கிறது.

இதய வால்வுகளில், இரத்தக்குழாய்களில் ஏற்படும் அடைப்புகளை நீக்கி சீராக செயல்பட வைக்கிறது. இருதய அடைப்பை தடுக்கிறது.

மேலும் கார்போஹைட்ரேட், நார்ச்சத்து, இரும்புச்சத்து, கரோட்டின், கால்சியம், பாஸ்பரஸ், வைட்டமின் பி காம்ப்ளக்ஸ் நிறைந்துள்ளது.

 நன்றி- https://www.facebook.com/Thamil.Siththars?ref=stream

Read More

கோவில்களில் கோபுர கலசம் ஏன் தெரியுமா............ ? - அர்த்தமுள்ள ஹிந்து தர்மம்.

 கோபுர கலசம்- ஊரை காக்கும் இடிதாங்கி.

பிரமிப்பூட்டும் தமிழர்களின் விஞ்ஞானம் !!!

மன்னராட்சி காலத்தில் ஊரில் கோயில் கோபுரத்தை விட உயரமாக எந்தக் கட்டிடமும் இருக்கக் கூடாது என்று ஒரு எழுதாத சட்டம் இருந்ததாம். என்ன காரணம்? தேடிப் பார்ப்போம் வாருங்கள்.

கோயில்களையும் உயரமான கோபுரங்களையும் அதன் மேல் இருக்கும் கலசங்களையும் பார்த்திருப்பீர்கள். அவற்றுக்கு பின்னால் இருக்கும் ஆன்மிகம் பற்றி எனக்குத் தெரியாது. ஆனால், அதற்குப் பின்னால் எவ்வளவு பெரிய அறிவியல் ஒளிந்திருக்கிறது என இப்போது தான் தெரிந்தது. கோபுரத்தின் உச்சியில் தங்கம், வெள்ளி, செப்பு அல்லது ஐம்பொன்னால் செய்யப்பட்ட கலசங்கள் இருக்கும். இக்கலசங்களிலும் அதில் கொட்டப்படும் தானியங்களும், உலோகங்களும் மின்காந்த அலைகளை ஈர்க்கும் சக்தியினை (earth) கலசங்களுக்கு கொடுக்கின்றன. (நெல், கம்பு, கேழ்வரகு, திணை, வரகு, சோளம், மக்காசோளம், சாமை, எள்)ஆகியவற்றை கொட்டினார்கள். குறிப்பாக வரகு தானியத்தை அதிகமாக கொட்டினார்கள். காரணத்தை தேடிப்போனால் ஆச்சரியமாக இருக்கிறது, "வரகு" மின்னலை தாங்கும் அதீத ஆற்றலை பெற்றுள்ளது என இப்போதைய அறிவியல் கூறுகிறது. அப்போது எந்த கல்லூரியில் படித்தார்கள் என தெரியவில்லை!!.

இவ்வளவு தானா... இல்லை, பனிரெண்டு வருடங்களுக்கு ஒருமுறை குடமுழுக்கு விழா என்ற பெயரில் "கலசங்களில் இருக்கும் பழைய தானியகள் நீக்கப்பட்டு புதிய தானியங்கள் நிரப்பபடுகிறது", அதை இன்றைக்கு சம்பரதாயமாக மட்டுமே கடைபிடிக்கிறார்கள். காரணத்தை தேடினால், அந்த தானியங்களுக்கு பனிரெண்டு வருடங்கள் தான் சக்தி இருக்கிறது. அதன் பின்பு அது செயல் இழந்து விடுகிறது!! இதை எப்படி ஆராய்ந்தார்கள்!!!. அவ்வளவு தானா அதுவும் இல்லை, இன்றைக்கு பெய்வதை போன்று மூன்று நாட்களா மழை பெய்தது அன்று? தொடர்ந்து மூன்று மாதங்கள் பெய்தது, ஒருவேளை தானியங்கள் அனைத்தும் நீரில் மூழ்கி அழிந்து போனால், மீண்டும் எதை வைத்து பயிர் செய்வது? இவ்வளவு உயரமான கோபுரத்தை நீர் சூழ வாய்ப்பே இல்லை, இதையே மீண்டும் எடுத்து விதைக்கலாமே!!!

ஒரு இடத்தில் எது மிக உயரமான இடத்தில் அமைந்த இடி தாங்கியோ அது தான் முதலில் "எர்த்" ஆகும். மேலும், அது எத்தனை பேரைக் காப்பாற்றும் என்பது அதன் உயரத்தைப் பொறுத்தது. அடிப்படையில் கலசங்கள் இடிதாங்கிகள். உதாரணமாக கோபுரத்தின் உயரம் ஐம்பது மீட்டர் என்றால் நூறு மீட்டர் விட்டம் அடைக்கும் பரப்பில் எத்தனை பேர் இருந்தாலும் அவர்கள் இடி தாக்காமல் காக்கப்படுவார்கள். அதாவது சுமார் 7500 சதுர மீட்டர் பரப்பில் இருக்கும் மனிதர்கள் காப்பாற்றப்படுவார்கள் !!!!. சில கோயில்களுக்கு நான்கு வாயில்கள் உள்ளன, அது நாலாபுறமும் 7500 சதுர மீட்டர் பரப்பளவை காத்துக்கொண்டு நிற்கிறது!!! இது ஒரு தோராயமான கணக்கு தான், இதை விட உயரமான கோபுரங்கள், இதை விட அதிகமான பணிகளை சத்தமில்லாமல் செய்து வருகின்றது!! பிரம்மிப்பு !!!

அதெப்படி என்று கேட்கிறவர்கள் படத்தைப் பார்க்கவும். இதை எல்லாம் பார்க்க போனால் "கோயில் இல்லா ஊரில் குடியிருக்க வேண்டாம்" என்ற பழமொழி தான் நினைவுக்கு வருகின்றது.

சும்மாவா சொன்னாக பெரியவங்க !!

Read More

வ.களத்தூரில் இலவச கண் சிகிச்சை முகாம்.

இன்று கண் சிகிச்சை முகாம். 

இன்று 24-11-13 (ஞாயிறு) காலை ஒன்பது மணிமுதல் , மாலை மூன்று மணி வரை , வ.களத்தூர் பெண்கள் நடுநிலை பள்ளி வளாகத்தில் இலவச கண் சிகிச்சை முகாம் நடைபெற உள்ளது. பங்கேற்று பயனடைவோம் உறவுகளே.

Read More

உச்ச நீதி மன்றம்-சமையல் எரிவாயு சிலீண்டர் வாங்க, ஆதார் அவசியமில்லை.......

பெரம்பலூர் மாவட்டத்தில் வரும் டிசம்பர் 1- 2௦13 முதல் மானிய விலையில் சமையல் எரிவாயு சிலீண்டர் ஆதார் அட்டை உள்ளவர்களுக்கு மட்டுமே வழங்கப்படும் என மாவட்டத்திலுள்ள சமையல் எரிவாயு வழங்கும் ஏஜென்சிகள் கூறிவருகின்றன.... அதற்கான விண்ணப்பங்கள் வாங்க இந்த ஏஜென்சிகளில் மக்கள் கூட்டம் அலைமோதுவதை காணமுடிகிறது......         

     நம் பெரம்பலூர் மாவட்டத்தில் கணிசமான மக்கள் ஆதார் அட்டை இல்லாதவர்கள். அவர்கள் இனி மானிய விலை சமையல் எரிவாயு சிலீன்டர்கள் வெளி சந்தை விலைக்கே வாங்கிக்கொள்ளவேண்டிய நிர்பந்தம் ஏற்பட்டுள்ளது. ஆனால் உச்ச நீதிமன்றம் அரசின் சலுகைகளைப்பெற ஆதார் அட்டை கட்டாயம் இல்லை என சமீபத்தில் தீர்ப்பு வழங்கியுள்ளது. ஆனால் கியாஸ் ஏஜென்சிகளின் செயல் நீதிமன்ற அவமதிப்பு செயலாக உள்ளது. மாவட்ட நிர்வாகம் தக்க நடவடிக்கை எடுக்க வேண்டும் என ஆதார் அட்டை இல்லாத மக்கள் எதிபார்கிறார்கள்.

உச்ச நீதிமன்ற உத்தரவு நகல் - 

 

நன்றி- வினவு.

Read More

வ.களத்தூர் - கார்த்திகை தீபத்திருநாள்

     அகல் விளக்கேற்றி , சொக்கப்பனை கொளுத்தி , பனம்பூ ராட்டினம் சுற்றி எம் கிராமத்தில் கொண்டாடப்பட்ட , தமிழர் திருநாளாம் கார்த்திகை தீபத்திருநாள் கொண்டாட்டம். 

வாசலில் அகல் விளக்கேற்றும் பிள்ளையார் கோவில் தெரு .

சொக்கப்பனை கொளுத்துதல்.

பெருமாள் கோவிலில் தீபம் ஏற்றுதல் .

பெருமாள் கோவிலில் எம் ஊர் பொதுமக்கள் .

பெருமாள் கோவில் முன்பு சொக்கப்பனை கொளுத்தி கொண்டாட்டம் .

 பனம்பூ மத்தாப்பு - மறந்துபோன நினைவுகள்.......... உயிர்ப்புடன் .

விநாயகர் கோவில் முன் திரண்ட எம் இளம் காளையர்கள்.

Read More

தீபத் திருநாள் திருக்கார்த்திகை

 

தீபாவளி தினத்தை இப்போது தீபத்திருநாள் என்கிறோம். ஆனால் தீபாவளி நாளில் வைப்பதை விட கார்த்திகை தீபத்தன்றுதான் தீபங்கள் வைப்பது தமிழர் வழக்கம். தீபாவளி கொண்டாடாத தமிழக கிராமங்கள் கூட உண்டு ஆனால் கார்த்திகை தீப நாளை கிராமங்களில் விமரிசையாக கொண்டாடுவது வழக்கம்.
கார்த்திகை தீபம் முருகனுக்கான விழாவாக இருந்தாலும் விவசாயத்தோடு இணைத்தே இதை (பொங்கலைப்போல) கொண்டாடி வந்து ள்ளனர்.

 

கார்த்திகை நட்சத்திரங்கள்

 

கார்த்திகை விளக்கீடு என்பது கார்த்திகை மாதத்தில் வரும் பௌர்ணமி திதியும், கார்த்திகை நட்சத்திரமும் கூடிய திருக்கார்த்திகை நாளில் கோயில்களிலும், வீடுகளிலும் இடம் பெறும் சிறப்பான தீபத் திருவிழாவாகும்.

திருக்கார்த்திகை தினத்தன்று ஆலயங்களில் தீபத்திருவிழா நடைபெறும். பக்தர்கள் மாவிளக்கு போட்டும் வழிபடுவர். ஆலயத்தின் முன்புறத்தே வாழை மரம் நட்டுதென்னோலைகளால் அதனை சுற்றி அடைத்து “சொக்கப்பானை”க்கு அக்கினியிட்டு சோதி வடிவாகக் காட்சியளிக்கச் செய்து சிவபெருமான் சோதிப்பிழம்பாகத் தோன்றிய காட்சியை நினைவு கூர்ந்து வழிபடுவர். 

திருவண்ணாமலை தீபம்

படைத்தல் தொழிலைச் செய்யும் பிரம்மனும் காத்தல் தொழிலைச் செய்யும் விஷ்ணுவும் நானே பெரியவன் என்று வாதாடிப் பலவருடங்கள் போரிட்டனர். சிவபெருமான் சோதிப்பிழம்பாகத் தோன்றினார். அடியையும் முடியையும் தேடும்படி அசரீரி கூறியது. இருவரும் அடிமுடி தேடிக் காணமுடியாமல் சிவபெருமானே முழுமுதற் கடவுள் என்று ஏற்றுக்கொண்டனர். அவர்கள் இருவரும் தாம் கண்ட சோதியை எல்லோரும் காணும்படி காட்டியருள வேண்டும் என்று விண்ணப்பிக்க அவர் திருக்கார்த்திகை நட்சத்திரத்தன்று காட்டியருளினார். இந்தத் தத்துவத்தை விளக்குவதே கார்த்திகை விளக்கீடு ஆகும்.

இந்து மதத்தில் மும்மூர்த்திகள் எனப்படுபவர்கள் பிரம்மா, விஷ்ணு, மகேஸ்வர் ஆவார்கள். படைத்தல், காத்தல், அழித்தல் என்பது முறையே இவர்களுடைய பொறுப்பாகும். இவர்களில் மகேஸ்வர் எனப்படும் சிவனாருக்கு இந்தியா முழுவதிலும் கோவில்கள் உள்ளன. இந்த உலகமானது நீர், நிலம், நெருப்பு, வாயு, ஆகாயம் எனும் ஐந்து பூதங்களால் உருவாக்கப்பட்டுள்ளது.

 

இதனை அடிப்படையாகக் கொண்டு, சிவ வழிபாட்டில், இந்த ஐந்து பூதங்களையும் முன்னிறுத்தி, தனித்தனியாக ஐந்து இடங்களில் உள்ள கோவில்களில் ஐம்பூதங்களுக்கான வழிபாடு நடக்கிறது. இந்த ஐந்து சிவதலங்களையும் பஞ்சபூதங்கள் என்று அழைக்கிறார்கள். பஞ்ச என்றால் ஐந்து (5) என்று பொருள்படும்.

 

பூதம் என்றால் பொருள் அல்லது சக்தி என்பதாகும். பஞ்ச பூதங்கள் என்றால், ஐந்து மூலசக்திகள் அல்லது ஐந்து அடிப்படை மூலாதாரங்களை குறிப்பதாகும். இவற்றில் ஒன்று குறைந்தாலும் உயிரினங்கள் வாழ முடியாது. ஆகவே அவற்றை இறைவனுக்கு இணையாக மதித்தனர் நம் முன்னோர்கள்.

 

ஆகவே முத்தொழில் முதல்வனான சிவனுடைய தலத்தில் அந்த ஐம்பூதங்களையும் வணங்கி வழிபட்டனர். இந்த தத்துவத்தின் அடிப்படையில் பஞ்ச பூதங்கள் ஒளி பெற்றுச் சிறப்படைய வேண்டும் என்பதற்கு ஐந்து முகவிளக்கும், தீபாராதனைகளும் காட்டப்படுகிறது. பஞ்ச பூதங்களை பற்றித் தெளிவாகவும் நுட்பமாகவும் உணர்ந்த நமது பெரியோர்கள் ஒவ்வொரு பூதத்தின் பெயராலும் ஒரு தலத்தை ஏற்படுத்தி உள்ளனர்.

 

அவை பஞ்சபூதத் தலங்கள் எனப்படும். அவை வருமாறு:-

1. நிலம்- காஞ்சீபுரம், திருவாரூர்.

2. நீர்- திருவானைக் காவல்

3. நெருப்பு- திருவண்ணாமலை

4. வாயு- திருக்காளகஸ்தி (ஆந்திராவின் சித்தூர் மாவட்டத்தில் அமைந்துள்ளது)

5. ஆகாயம்- சிதம்பரம் இந்த பஞ்சபூத தலங்களில் நெருப்புத் தலமான திருவண்ணாமலை மற்ற தலங்களை விட பல சிறப்புகளையும், தனித்துவங்களையும் கொண்டது.

 

சம்பந்தர், அப்பர், மாணிக்கவாசகர் ஆகியோரது பாடல் பெற்ற தலமாகும். நினைத்தாலே முக்தி தரும் தலம். சிவமும் சக்தியும் ஒன்றே என்பதை உணர்த்துவதற்காக அர்த்தநாரீஸ்வரராக வடிவம் எடுத்ததும், சிவராத்திரி விழா உருவானதுமான பெருமையை உடைய தலம் திருவண்ணாமலை. சிவன் கார்த்திகை மாத கிருத்திகை நட்சத்திரத்தில், திருமால், பிரம்மன் இருவருக்கும் அக்னி வடிவமாக காட்சி தந்தார்.

 

இந்நாளிலேயே தீபத்திருநாள் கொண்டாடப்படுகிறது. மலையில் தீபம் ஏற்றப்பட்டதும் மக்கள், ``அண்ணாமலையானுக்கு அரோகரா'' என விண்அதிர முழக்கமிடுவார்கள். ``இந்த உடம்பு நான் என்னும் எண்ணத்தை அழித்து, மனதை ஆன்மாவில் அழித்து, உன்முகத்தால் அத்வைத ஜோதியைக் காண்பது தான் தரிசனம் ஆகும்'' என ரமண மகரிஷிகள் குறிப்பிடுகிறார்.

 

தீப தரிசனம் பிறவிப் பிணியை அறுக்க வல்லது என்பது ஐதீகம். கார்த்திகை தீபத்திருநாள் மிகவும் தொன்மை வாய்ந்த திருநாள். இத்திருநாள் தமிழர்களால் பல்லாயிரம் ஆண்டுகளாக கொண்டாடப்படுகிறது. கி.மு.2500 ஆண்டுகளுக்கு முன்னரே தமிழ் இலக்கியங்களிலும் மற்றும் சங்க கால இலக்கியங்களிலும் கார்த்திகை தீபத்தைப் பற்றிய குறிப்புகள் உள்ளன.

 

இத்தீபத்திருநாள், திருவண்ணாமலையில் மிகவும் சிறப்பாகக் கொண்டாடப்படுவதால், இதை திருவண்ணாமலைத் தீபம் என்றும் அழைப்பார்கள். சிவபெருமான் ஒளி மயமாகக் காட்சியளித்ததை நினைவு கூரும் வகையில், தீபத்தினத்தன்று திருவண்ணாமலையின் உச்சியில் மகாதீபம் ஏற்றப்படும்.

 

இத்திருநாள், முருகக்கடவுள் அவதரித்த தினமாகவும் கொண்டாடப்படுகிறது. பெரும்பாலானோர் காலை முதல் விரதமிருந்து, மாலை பூஜை முடிந்தபின்னர், அகல் விளக்கேற்றி வரிசையாக வாசல் தொடங்கி வீடு முழுவதும் வைப்பார்கள். இது தான் தீபா திருவிழாவின் முக்கிய நிகழ்வாகும்.

Read More