போஸ்டர் ஒட்டி கொலை மிரட்டல் - ஹைதராபாத் ஆகும் திண்டுக்கல்

பழனி பாபா. இவர் ஏதோ சாமியார் என்ற எண்ணம் தற்காலத்தில் பலருக்கும் இருக்கலாம். மக்களுக்கு ஞாபக மறதி அதிகம். அந்த மறதிதான் பல அரசியல்வாதிகளுக்கு வாழ்வாதாரம். 800 ஆண்டுகள் பாரதத்தில் அடித்த கொள்ளையும், தாருல் இஸ்லாம் என்ற லட்சியத்தில் செய்த கொலைகளும் ஆங்கிலேயரிடம் இவர்களது அதிகாரம் பறிபோனபின் மக்களால் மறக்கப்பட்டன. அரசியலில் பெரும்பான்மை ஹிந்து மக்களை ஓரங்கட்டிவிட்டுத் தமக்குச் சலுகைகள் பெறுவதிலும், தேவைப்படும் போது ஹிந்து மக்களைச் சகோதரர்கள் என்பதும் தேவையற்ற போது அடக்குமுறைக் கும்பல் என்பதும் இஸ்லாமியர்களின் அரசியல் தந்திரத்தையே காட்டி வந்துள்ளது.

இந்த வகையில் மதத் தீவிரவாதம் பேசுவதை அதிகாரத் தோரணையோடு செய்துவந்தவர் ஜிஹாத் கமிட்டி என்ற தீவிரவாத அமைப்பின் தலைவராக இருந்த அகமது அலி என்ற பழனிபாபா. சட்டத்தையோ, நீதிமன்றத் தீர்ப்புகளையோ, பிற மதத்தினரின் உணர்வுகளையோ மதிக்காமல் பேசுவதும் சட்டத்தின் ஓட்டைகளில் புகுந்து தப்பித்துக் கொள்வதும் இந்த அகமது அலிக்கு வாடிக்கை. இவர் பேசிய பேச்சுக்கள் பலவும் ஹிந்துக்களின் தன்மானத்தைச் சீண்டிப் பார்க்கும் விதமாகவே இருந்துவந்தன. இவர் மீது பல குற்றவியல் வழக்குகளும் இருந்தன. இவர் 1997ல் பொள்ளாச்சியில் கொல்லப்பட்டார். தமிழகம் சற்றே நிம்மதிப் பெருமூச்சு விட்டது. ஆனால் இவரது அடிப்பொடிகள் அல் உம்மா என்ற பெயருடன் 1998ல் செய்த துரோகம் இன்னமும் கோவை நகரில் ஆறாத காயமாக இருக்கிறது.

இந்நிலையில் திண்டுக்கல்லில் இந்தத் தீவிரவாதி அகமது அலி என்ற பழனிபாபாவின் பெயரில் பாசறை தொடங்கிய தீவிரவாதிகள் சிலர் அல்லாவையும் ரசூலையும் தவறாகப் பேசினால் குர்பானி (பலி) கொடுப்போம் என்று போஸ்டர் அடித்து ஒட்டியிருக்கிறார்கள்.

 வன்முறையைத் தூண்டும் இந்தப் போஸ்டரைக் கண்டித்து உள்ளூர் ஹிந்து அமைப்புகளின் சார்பில் காவல்துறையில் புகார் அளிக்கப்பட்டுள்ளது. ஹிந்து முன்னணியின் நகரச் செயலாளர் சங்கர் கணேஷ் முன்னின்று புகார் அளித்துள்ளார்.

Add caption

 .

இந்துக்களை கொன்று விடுவோம் என்றும் பாகிஸ்தானுடன் சேர்ந்து போர் புரிவோம் என்றும் பயங்கரவாதத்தையும், பிரிவினைவாதத்தையும் கக்கும் விஷமத்தனமாக பிரச்சாரங்களும் செயல்பாடுகளும் நம் நாட்டில் அதிகரித்து வருகிறது. தமிழ்நாட்டில் நடந்து வரும் தொடர் கொலைகள், இஸ்லாமிய வெறிச்செயல்கள் போன்றவற்றின் மீது அரசு கடுமையாக நடவடிக்கை எடுக்காத காரணத்தினால் இப்போது முன் அறிவிப்பு கொடுத்து தாக்கும் அளவிற்கு தமிழ்நாடு தாலிபான் தளமாக மாறிவிட்டது. இந்நிலையில் இந்த பிரிவினைவாத பயங்கரவாத இஸ்லாமிய அடிப்படைவாதத்தின் முகமாக தென்னகத்தில் கருதப்படுபவர் ஹைதராபாத்தை சேர்ந்த ஒவைசி சகோதரர்கள்.

இவர்களை முன்மாதிரியாக கொண்டு இன்று தமிழகத்தையும் பயங்கரவாத கூடாரமாக்கி ஹைதராபாத்தை போல் தமிழகத்தில் பல பகுதிகளை முஸ்லீம்கள் மாற்றி வருகின்றனர். இந்த இஸ்லாமிய பயங்கரவாதிகளின் முன்னோடியின் வரலாற்றை கவனித்தால் தமிழகத்தை சூழ்ந்துள்ள ஆபத்து என்ன என்பதை புரிந்துக்கொள்ளமுடியும். இவர்கள் தாருல் இஸ்லாம் அதாவது இந்தியாவை இஸ்லாமிய தேசமாக்குதல் என்பதை பழனி பாபவைப் போலவே அடிப்படைக் கடமைகளாகக் கொண்டவர்கள். அதற்காக இந்த ஒவைசி சகோதரர்கள் கையாளும் வழிமுறை இஸ்லாமிய ஓட்டுவங்கி மூலம் சட்டமன்றம், பாராளுமன்றம் மற்றும் பிற ஆட்சி மன்றங்களில் நுழைந்துகொண்டு அங்கிருந்தபடி பாரதத்துக்கு எதிரான கருத்துக்களை இஸ்லாமியர் உணர்வு, மத சுதந்திரம் ஆகிய போர்வைகளில் வெளிப்படுத்துவதுமே ஆகும்.

ஒவைசி என்றாலே ஆந்திர மக்களுக்கு பயங்கரவாதம், பாகிஸ்தான் ஆதரவு படுகொலை போன்ற கொடும் சம்பவங்கள் மட்டுமே நினைவுக்கு வரும். 15 நிமிடம் காவல்துறை ஓரமாய் நிற்கட்டும் இந்தியாவிலிருக்கும் 25 கோடி முஸ்லிம்கள் 100 கோடி ஹிந்துக்களை ஒழித்து விடுவோம் என்று இரத்தவெறி பிடித்து முழங்கிய அக்பருதீன் ஒவைசியின் சகோதரனும் அக்கட்சியின் தலைவருமானவரே அஸாதுதீன் ஒவைசி. அக்பருதீனுக்கு அண்ணன் என்பதை தன் ஒவ்வொரு செயலிலும் நிரூபித்துத் தன் தந்தை மறைந்த சுல்தான் சலாவுதீன் ஒவைசிக்கு நிம்மதி தருபவர் அவர். சமீபத்தில் இந்த அண்ணன் ஒவைசி ஒரு விஷயம் பேசினார். ”ஹிந்துஸ்தானம் பாகிஸ்தானின் மீது படையெடுக்கத் துணிந்தால் பாரதத்தில் உள்ள 25 கோடி முஸ்லிம்களும் பாகிஸ்தான் ராணுவத்தில் சேர்ந்து பாகிஸ்தானுக்கு ஆதரவாகப் போர் புரிவார்கள்” என்பதே அந்தப் பேச்சு. 15 நிமிடங்களில் கொன்று விடுவோம் என்றான் தம்பி எப்படி கொல்லுவோம் யாருடன் சேர்ந்து கொல்வோம் என்று திட்டத்தைத் தெளிவுபடுத்தினான் அண்ணன். என்னே சகோதர ஒற்றுமை! இந்த கொலைகார அழைப்பு கஷ்மீர் அப்சர்வர் என்ற பத்திரிகையில் செய்தியாக வந்தது.

இருதினங்களுக்குப் பின் செய்தியைக் காணவில்லை என்கிறது பத்திரிகையின் இணையதளம்.

ஆனால் ஆதாரங்கள் சேர்ந்துள்ளன. பாகிஸ்தானின் பாதுகாப்புத்துறை சார்ந்த ஒரு விவாத தளத்தில் இது குறித்துப் பெருமையாக எழுதியிருக்கிறார்கள்.

http://defence.pk/threads/if-india-attacks-pak-indian-muslims-will-join-pak-army-owaisi.332014/

ஆனால் வழமையான அரசியல்வாதிகள் போல மூத்த ஒவைசி இது பொய் என்றும் அந்தச் செய்தி வெளியிட்ட நாளிதழ் மீது சட்ட நடவடிக்கை எடுப்பதாகவும் சொல்லியிருக்கிறார், இதுவரை எந்த வழக்கும் தொடரப்பட்டதாகத் தெரியவில்லை. இவரது வரலாற்றைச் சற்றே உற்று நோக்கினால் இவர் முஸ்லிம் அடிப்படைவாத கொள்கையில் ஊறிப்போனவர் என்பது புலப்படும். உலகெங்கும் உள்ள முஸ்லிம்கள் நாடு, மொழி, இனப் பாகுபாடுகளுக்கு அப்பாற்பட்டு இசுலாம் என்ற ஒரே குடையின் கீழிருப்பவர்கள் என்பதே அந்தக் கொள்கையின் சாரம். இதே உலகாயத இஸ்லாமியக் கொள்கை தான் 1947ல் நம் நாட்டைக் கூறுபோட்டது. இன்று உலகெங்கும் தலைவிரித்தாடும் இஸ்லாமிய பயங்கரவாத, பிரிவினைவாத செயல்களுக்கு இந்த கொள்கையே அடித்தளமாக அமைந்துள்ளது. இந்தக் கொள்கையிலேயே இவர்களது குடும்பம் பரம்பரை பரம்பரையாகப் பயணித்துள்ளது.

இந்த குடும்பத்தில் பிறந்த அசாவூதீன் ஒவைசியை முதலில் நாம் தெரிந்து கொள்வோம். லண்டனில் சட்டம் படித்த பாரிஸ்டர். பாராளுமன்ற உறுப்பினர். தம்பிக்குச் சற்றும் சளைக்காத அண்ணன். அசாமில் ஊடுறுவிய பங்களாதேசத்து இசுலாமியருக்கு அரசு உதவவில்லை என்றால் முஸ்லீம் இளைஞர்கள் செய்யும் புரட்சியைத் தடுக்க முடியாது என்று பாராளுமன்றத்தில் மன்மோகன் சிங் அரசை மிரட்டியவர். அரசுப்பணத்தில் 'முஸ்லிம்களுக்கு மட்டும்' என்று எழுதி வைத்து அரசு உதவிகளை வழங்கியவர். இப்படிப் பேச அவருக்குத் துணிவு எங்கிருந்து கிடைக்கிறது? அவரது பின்னணி என்ன? யார் யார் அவரை ஆட்டுவிக்கின்றனர்? இந்தக் கேள்விகளுக்கு விடை தேடிப் பார்க்கலாம்.

குல் ஹிந்த் மஜ்லிஸ் ஏ இட்டேஹாதுல் முஸ்லிமீன் (AIMIM) என்பது ஓவைசி சார்ந்துள்ள கட்சி. இதற்கு அகில பாரத முஸ்லிம்களின் ஒருங்கிணைந்த கூட்டமைப்பு என்று பொருள் வரும். இந்தக் கட்சியின் வரலாறு என்ன? கொள்கை என்ன என்று பார்த்தால் இவர்களின் இந்த இந்துஸ்தான எதிர்ப்பு வெறி ஆச்சரியம் தராது. இந்த மஜ்லிஸ் அமைப்பு 1927ல் அப்போதைய ஐதராபாத் நிஜாமின் உத்தரவின் பேரில் அவருக்கு ஆதரவாகத் துவக்கப்பட்டது. இந்த அமைப்பு ஐதராபாத் ஒரு முஸ்லிம் சமஸ்தானமாக தனித்து இருக்கவேண்டும் என்று பாடுபட்டது. ஐதராபாத் இந்தியக் குடியரசுடன் இணைவதை எதிர்த்தது. http://timesofindia.indiatimes.com/city/hyderabad/Hate-speech-not-new-for-Owaisi-clan/articleshow/17963124.cms

இவர்களது வரலாறு சுருக்கமாக இதோ:

பொது ஆண்டு 1310ல் அலாவுதீன் கில்ஜியின் படைகள் வாரங்கல்லைத் தலைநகராகக் கொண்டு ஆட்சி செய்த காகதிய மன்னன் ப்ரதாப ருத்ரனை வென்று கொள்ளையிட்ட போது இசுலாமிய ஆட்சியில் விழுந்தது. இங்கு கொள்ளையடிக்கபட்ட கோஹினூர் வைரம் உள்ளிட்ட பொருட்கள் 1000 ஒட்டகங்களில் ஏற்றப்பட்டு தில்லி கொண்டு செல்லப்பட்டன. மீண்டும் 1336ல் சிருங்கேரி சாரதா பீடத்தின் ஆச்சாரியர் ஸ்ரீ ஸ்ரீ வித்யாரண்யர் வழிகாட்டுதலில் சங்கம வம்சத்தைச் சேர்ந்த ஹரிஹரர், புக்கரராயர் எனும் இளைஞர்கள் தலைமையிலான படை இசுலாமியர்களை வென்று ஹிந்து ராஜ்யத்தை அமைத்தது. இந்த ராஜ்யம் 1678 வரை இசுலாமிய ஏகாதிபத்தியத்தைத் தடுத்து பாரத பாரம்பரியத்தைக் காத்தது. இந்த சாம்ராஜ்ஜியம் தெற்கே மதுரை முதல் வடக்கே ஹிமாசலம் வரை மேற்கே சௌராஷ்டிரம் முதல் கிழக்கே அசாம் வரையிலும் பரவியிருந்தது. இதனால் தென்னிந்தியாவைக் கட்டுப்பாட்டில் கொண்டு வர முகலாய அரசுக்கு 500 ஆண்டுகள் பிடித்தன. இதன் வீழ்ச்சிக்குப் பிறகு பல நவாபுகள் சுல்தான்களின் ஆட்சிகள் பலபகுதிகளில் நடந்தன.

1678ல் கோல்கொண்டாவின் இசுலாமிய ஆட்சியாளர்களிடம் வீழ்ந்தது வாரங்கல். விஜயநகரப் பேரரசு அத்துடன் முடிவுக்கு வந்தது. நிஜாம்களின் ஆட்சியில் இருந்த அந்தப்பகுதியில் 1752ல் கடற்கரை ஆந்திரப்பகுதியை ஃப்ரெஞ்சுக்காரர்களுக்கு அன்பளிப்பாக நிஜாம்கள் வழங்கினர். 1766ல் பிரிட்டிஷ் கிழக்கிந்தியக் கம்பெனி அப்பகுதியைக் கைப்பற்றியது. ஆனாலும் கோல்கொண்டா பகுதி (தெலுங்கானா/ஹைதராபாத் சமஸ்தானம்) தில்லி, பஹாமன், குதுப் ஷாஹி, மொகலாயர், மற்றும் நிஜாம் வம்சத்தினரின் ஆட்சிகளில் சில நூற்றாண்டுகள் இருந்தது.

ஹிந்துக்களின் அரசியல் கலாசார விழிப்புணர்வு பல்வேறு துறவிகள் பக்திமான்களால் உயிர்ப்புடன் வைக்கப்பட்டிருந்த போதும் 19ஆம் நூற்றாண்டில் ஹிந்துக்களின் அரசியல் விழிப்புணார்வு தலை தூக்கியது. நிஜாமின் ஆட்சிக்குட்பட்ட பகுதிகளில் 90% மக்கள் ஹிந்துக்கள். அவர்கள் அரசியல் பலம் பெறுவது பொறுக்காத நிஜாம் கலாசார அடிப்படையைக் குலைக்கத் திட்டமிட்டார்.

எலகண்டலா, பலமுறு, இந்துரு, மேடுகு ஆகிய பகுதிகளின் பெயர்கள் முறையே கரீம்நகர், மெஹபூப் நகர், நிஜாமாபாத், மேடக் என்று மாற்றப்பட்டன. பாக்கியநகர் ஹைதராபாத் ஆனது. புவனகிரி போங்கிர் ஆனது. பாடு என்று முடியும் ஊர்ப்பெயர்களை பஹாட் என்று உருதுப்படுத்த உத்தரவிட்டார் நிஜாம். அதே வேளையில் 1905ல் ஹைதராபாத் ஒரு இசுலாமிய நாடாக அறிவிக்கப்பட்டது. 1911ல் மீர் உஸ்மான் அலிகான் அதிகாரத்துக்கு வந்ததும் இசுலாமிய மயமாக்கம் வேகம் பிடித்தது. மஜ்லிஸ் இட்டேஹதுல் முஸ்லிமீன் என்ற அமைப்பு துவக்கப்பட்டது.

உஸ்மானியா பல்கலைக்கழகம் துவக்கப்பட்டு உருதுக்கல்வி போதிக்கப்பட்டது. உருது பேசும் முஸ்லிகளுக்கு முக்கியத்துவம் தந்தும் உருது தெரிந்த ஹிந்துக்களுக்கு சலுகைகள் வழங்கியும் உத்தரவிட்டார் நிஜாம். தெலுங்கு மொழி மதிப்பிழந்தது. ஹிந்து கலாசாரம் கேவலமாகச் சித்தரிக்கப்பட்டது.

1937ல் மிலாது நபி கொண்டாட்டங்களில் பேசிய நசருல் ஹசன் கிலானி ”இந்த ராஜ்ஜியத்தில் இன்னும் 22 லட்சம் தின்பண்ட வழிபாட்டாளர்கள் (பசு வழிபடும் ஹிந்துக்கள்) இருக்கிறார்கள் என்பது வருத்தத்துக்குரிய விஷயம்" என்று பேசினார். முகமதலி ஜின்னா உஸ்மானியா பல்கலைக்கழகத்தில் பேசும் போது “என் இனிய இஸ்லாமிய மாணவர்களே” என்று அழைத்துப் பேசினார். ஹிந்து மாணவர்கள் இருக்கிறார்கள் என்ற போது அவர் முகம் சுளித்தார். அவர்களை நோக்கிப் பேச மறுத்து முஸ்லிம் மாணவர்களை மட்டுமே விளித்து அவர்கள் செய்யவேண்டிய செயல்கள் குறித்தே பேசிவிட்டுச் சென்றார்,

1938ல் நவாப் பகதூர் யார் ஜங் என்பவர் மஜ்லிஸின் தலைவரானார். இவர் வஹாபிய அடிப்படைவாதி. ஐதராபாத் நிஜாமை "அராபிய முகமதின் முடிசூடிய அடிமை" என்று பொது மேடையில் அழைத்தவர். இவர் காலத்தில் மஜ்லிஸ் அரசியல் செயல்பாடுகளில் அதிகம் ஈடுபட்டது. முகமதலி ஜின்னாவின் முஸ்லிம் லீகுடன் இணைந்து செயல்பட்டது.

இந்த நவாப் பகதூர் யார் ஜங் 1927ல் ஆரியசமாஜத்தை எதிர்த்து இஸ்லாமைப் பரப்புவதற்கு ஒரு அமைப்பை நிறுவினார். தாழ்த்தப்பட்ட சாதியைச் சேர்ந்த இந்துக்களை சமுதாய சீர்திருத்தம் மூலம் ஆரிய சமாஜம் போன்ற அமைப்புகள் இந்து மதத்தில் தக்கவைப்பதை இவர் வெறுத்தார். இந்துக்களைப் பெருங்குழுக்களாக மதமாற்றப் பரிந்துரைத்தார். (http://www.bahaduryarjung.org/)

இவர் 1944ல் ஹக்கிம் அலி கான் என்ற நீதிபதி வீட்டில் நடந்த விருந்தில் ஹூக்கா புகைத்ததும் உயிரிழந்தார். ஐதராபாத் நிஜாம் சமஸ்தானத்தைக் காக்கும் சேவகர் மட்டுமே, மன்னரில்லை. இசுலாமியர் அனைவரும் இறைவனைத் தவிர யாரையும் தலைவனாக ஏற்க வேண்டாம் என்று பேசியதால் இவர் கொல்லப்பட்டிருக்கலாம் என்று நம்பப்படுகிறது.

இவருக்குப் பிறகு மஜ்லிஸ் தலைமைக்கு வந்தவர் சையது காசிம் ரிஸ்வி. இவர் ஒரு வழக்கறிஞர். இவர் ரசாக்கர் என்ற நிஜாமின் ராணுவப் படைக்குத் தலைவராக இருந்தார். ஐதராபாத் இந்தியக் குடியரசுடன் இணைவதை எதிர்த்தார். ரகசியமாக பாகிஸ்தானுடன் ஐதராபாத் இணைவதற்குப் பணியாற்றினார். 1947ல் ”விடுதலை! விடுதலை! பாரத மாதா கீ ஜெய்!” என்று பாரதம் முழுவதும் முழங்கிய போது ”ஆஜாத் ஹைதராபாத்” முழக்கம் அங்கே கேட்டது. ரஜாக்கர் படையினரை ஏவிவிட்டு பாரதத்துடன் இணையத் துடிக்கும் சொந்த நாட்டு மக்களையே சித்ரவதை செய்த இஸ்லாமிய அடிப்படைவாதி.

ரசாக்கர்களின் கொடுமை தாங்க முடியாமல் பல்லாயிரம் ஹிந்துக்கள் ஹைதராபாத் எல்லையைக் கடந்து பாரதத்தில் தஞ்சம் புகுந்தனர். பிற பகுதிகளில் இருந்து முஸ்லிம்கள் முஸ்லீம் மன்னனுக்கு ஆதரவாக ஹைதராபாத் வந்தனர். அவர்களுக்கு உடனடியாக அரசு வேலையும் இருப்பிடமும் வழங்கப்பட்டது. ஹைதராபாத் சுதந்திர தேசம் என்று அறிவித்த இரண்டு மாதங்களில் முஸ்லிம்களின் எண்ணிக்கை ஒரு லட்சம் அதிகரித்தது என்று பாண்டுரங்கராவ் குல்கர்னி தெரிவிக்கிறார். http://www.hindu.com/thehindu/2003/04/27/stories/2003042700081500.htm

இந்தியக் குடியரசில் ஐதராபாத் இணையவேண்டும் என்று விவசாயிகளும் இந்துக்களும் சுவாமி ராமானந்த தீர்த்தரின் தலைமையில் ஆந்திர இந்து மஹாசபா ஆதரவுடன் போராடினர், அவர்களை இந்த ரசாக்கர் படையினர் கொடூரமாகத் தாக்கி அடக்கி வைத்தனர். பாரத அரசு கவலை கொண்டாலும் நிஜாம் இணைப்பு பற்றி முடிவெடுக்க இரண்டு மாத அவகாசம் கேட்டதால் பேசாதிருந்தது. நிஜாம் உலக இசுலாமிய நாடுகளுக்கு இராணுவ மற்றும் அரசியல் உதவி கேட்டு தூதுவர்களை அனுப்பினார். ஹைதராபாத்தில் மக்களுடன் இணைந்து ஹிந்து அமைப்பினர் ரசாக்கர்களை எதிர்த்துப் போரிட்டனர். இந்தப் போராட்டத்தை சுவாமி இராமானந்த தீர்த்தர் வழிநடத்தினார், நிஜாமுக்கு எதிரான போராட்டத்தில் கம்யூனிஸ்டுகளும் இணைந்தனர். ரஜாக்கர்களின் தலைவர் காசிம் ரிஸ்வி பாகிஸ்தானுடன் இணைய நிஜாமைக் கட்டாயப்படுத்தினார். http://www.srtri.in/index.htm

ஹிந்துக்களின் வீடுகள் சூறையாடப்பட்டன, கடைகள் கொள்ளையடிக்கப்பட்டன, பயிர்கள் கொளுத்தப்பட்டன, பெண்கள் மானபங்கப்படுத்தப்பட்டனர். எர்ரபள்ளம் என்ற கிராமத்தில் சந்த் கான் என்ற காவல் அதிகாரியின் துணையுடன் ரஜாக்கர்கள் ஒவ்வொரு வீடாகக் கொள்ளையடித்து மொத்தக் கிராமத்தையும் சூறையாடினர். 70 பெண்கள் கிராமத்தின் நடுவே வைத்து வன்புணர்வுக்கு ஆளாக்கப்பட்டு கொல்லப்பட்டனர். ஹைதராபாத் வங்கியில் 22 லட்சம் ரூபாய்கள் கொள்ளையிடப்பட்டது.

இந்நிலையில் 1948ல் பாரதத்தின் இரும்பு மனிதர் சர்தார் வல்லபாய் படேல் போலீஸ் நடவடிக்கைக்கு உத்தரவிட்டார். ஆப்பரேஷன் போலோ என்ற பெயரில் இந்திய ராணுவம் 5 முனைகளில் ஹைதராபாத்தைத் தாக்கிக் கைப்பற்றியது. நிஜாம் சரணடைந்தார். காசிம் ரிஸ்வி சிறையில் அடைக்கப்பட்டார், ஆனால் இதற்குள் ஹைதராபாத்தில் இருந்த ஹிந்துக்கள் பயங்கரமான கொடுமைகளுக்கு ஆளாக்கப்பட்டிருந்தனர். இத்தகைய கொடுமைகளைச் செய்த ரஜாக்கர் படையினர் சிறைப்பிடிக்கப்பட்ட போதும் அவர்களின் தலைவர் காசிம் ரிஸ்வி உட்பட பலரும் விடுவிக்கப்பட்டனர். சர்தார் படேல் மேற்கொண்ட போலீஸ் நடவடிக்கைக்குப் பிறகு ரசாக்கர் படை கலைக்கப்பட்டது. மஜ்லிஸ் அமைப்பு தடை செய்யப்பட்டது. காங்கிரசுக் கட்சி முஸ்லிம்களை தாஜா செய்து அவர்கள் ஓட்டுகளைப்பெற அவர்களைக் குறைந்த தண்டனையுடன் விடுவித்தது. காசிம் ரிஸ்வி சர்தார் படேலைச் சந்தித்துப் பேசுகையில் 'பேனா முனையில் சரணடைவதை விட கத்தி முனையில் வீரம் காட்டிச் சாவோம்' என்று பேசினார். இவர் பின்னர் வீட்டுக் காவலில் வைக்கப்பட்டார். தம் விடுதலைக்காக பிரதமர் நேருவிடம் பேரம் பேசினார். பாகிஸ்தான் சென்று விடுவதாக உறுதியளித்தார். ஆனால் சர்தார் படேல் இவரைச் சிறையில் அடைத்தார். இவருக்கு ஆதரவாக யாரும் வரவில்லை. 1957ல் ரிஸ்வி நேருவின் உத்தரவின் பேரில் பாகிஸ்தானுக்குப் போய்விடவேண்டும் என்ற நிபந்தனையுடன் விடுவிக்கப்பட்டார். அவர் இட்டேஹதுல் முஸ்லிமீன் அமைப்பை யாரிடமாவது ஒப்படைக்க எண்ணி பலரிடம் பேசினார். யாரும் முன்வராத நிலையில் மௌலானா அப்துல் வஹீத் ஒவைஸி என்ற வழக்கறிஞரிடம் அமைப்பை ஒப்படைத்தார். பின்னர் பாகிஸ்தான் சென்றார். http://www.time.com/time/printout/0,8816,799076,00.html
Autocracy to Integration, Lucien D Benichou, Orient Longman (2000)

மஜ்லிஸ் மீதான தடை 1957ல் விலக்கிக் கொள்ளப்பட்டது. மௌலானா அப்துல் வஹீத் ஒவைசி இதனை அரசியல் கட்சியாக்கித் தலைமை ஏற்றார். தலைமை ஏற்றவுடன் இவர் பாரத்தத்துக்கு எதிராகவும், ஹிந்துக்களுக்கு அச்சமூட்டும் வகையிலும், முஸ்லிம்களுக்கு வெறியேற்றும் வகையிலும் பேசத் தொடங்கினார். 1958ல் ஓராண்டு காலமாகப் பேசிவந்த தேசவிரோதப் பேச்சுக்காகவும், வன்முறையைத் தூண்டும் பேச்சுக்காகவும் கைது செய்யப்பட்டார். இவரைக் கைது செய்தது செல்லாது என்று தொடரப்பட்ட வழக்கு தள்ளுபடி செய்யப்பட்டது. 11 மாத சிறைவாசத்துக்குப் பிறகு தேசத்துக்கு எதிராகப் பேசுவதில்லை என்ற வாக்குறுதியின் அடிப்படையில் அவர் விடுவிக்கப்பட்டார்.
http://timesofindia.indiatimes.com/city/hyderabad/Hate-speech-not-new-for-Owaisi-clan/articleshow/17963124.cms

தேர்தலில் ஆதரவு போட்டி அரசியல் என்று சிறிது சிறிதாக மஜ்லிஸ் வளர்ந்தது. அப்துல் வஹீத் ஒவைசி ஃபக்ர் ஏ மில்லத் (மக்களின் பெருமிதம்) என்று அழைக்கப்பட்டார். 1960ல் அப்துல் வஹீதின் மகன் சையத் சலாஹுதீன் ஓவைசி ஐதராபாத் மாநகராட்சித் தேர்தலில் மல்லேபள்ளி பகுதியில் காங்கிரசை எதிர்த்து வென்றார். சையத் சலாஹுதீன் சலார் ஏ மில்லத் (மக்களின் தளபதி) என்று அழைக்கப்பட்டார்.

1962ல் சலாஹுதீன் சட்டமன்றத் தேர்தலில் பத்ரகட்டி தொகுதியில் வென்றார். பிறகு சார்மினார் தொகுதியில் 1967ல் வென்றார். அதன் பிறகு ஐதராபாத் மற்றும் அதை ஒட்டிய பகுதிகளில் பல இடங்களில் சட்டமன்றத் தேர்தலில் வென்றார். 1983ல் தெலுகுதேசம் பெரும்பான்மையாக வென்ற போதும் ஐதராபாத் பகுதியில் மஜ்லிஸ் வென்றது. 1984ல் சலாஹுதீன் பாராளுமன்றத் தேர்தலில் வென்றார், 2004 வரை அவரும் அதன் பின் அவர் மகன் அசாதுதீன் ஒவைசியும் தான் ஐதராபாத் எம்பியாகத் தொடர்கின்றனர். 2008ல் சலாஹுதீன் இறந்தபின் அசாதுதீன் மஜ்லிஸ் கட்சிக்குத் தலைமை ஏற்றார். http://www.hindu.com/2008/09/30/stories/2008093058670300.htm

2007ல் மஜ்லிஸ் கட்சியின் சட்டமன்ற, பாராளுமன்ற உறுப்பினர்கள் எழுத்தாளர் தஸ்லிமா நஸ்ரின் ஐதராபாத் வந்த போது அவரைத் தாக்கினர். நஸ்ரின் தலையைக் கொய்வது இசுலாமியக் கடமை என்று கூறினர். தஸ்லிமா நஸ்ரின் மற்றும் சல்மான் ருஷ்டி இருவருக்கும் எதிரான உயிர்க்கொலை ஃபத்வாவை செயல்படுத்துவோம் என்று சூளுரைத்தனர். http://www.hindu.com/2007/08/11/stories/2007081161781600.htm
http://ibnlive.in.com/news/mla-vows-to-behead-taslima-nasreen/46658-3.html

ஹைதராபாத் உள்ளிட்ட முஸ்லிம் பெரும்பான்மை இடங்களில் இவர்கள் வைத்ததே சட்டம் என்ற வகையில் நாட்டின் சட்டத்தை மதிக்காமல் நடந்து வருபவர்கள். ஆனால் ஓட்டு வங்கி மதசார்பின்மை என்று காங்கிரசுக் கட்சி உள்ளிட்ட மதசார்பற்ற கட்சிகள் இவர்களைக் கண்டு கொள்ளாது இருக்கின்றன. இந்த அமைப்பின் கோட்பாடு இந்தியாவை இசுலாமிய நாடாக்குவதே என்பது இந்த வரலாற்றைப் பார்க்கிற போது புரியவரும்.

அசாதுதீன் ஒவைசி தாலிபான்களிடம் இந்திய அரசு பேச்சுவார்த்தை நடத்தி நல்லுறவை வளர்த்துக் கொள்ளவேண்டும் என்று பாராளுமன்றத்தில் பேசியவர். இல்லையென்றால் முஸ்லிம்களின் நல்லெண்ணத்தை அரசு இழக்க நேரும் என்று மிரட்டினார்.
http://www.hindustantimes.com/india-news/newdelhi/should-hold-talks-with-taliban-owaisi/article1-1022378.aspx
1992 நவம்பர் மாதத்தில் காவல்துறை அதிகாரி கிருஷ்ணபிரசாத் பிருந்தாவன் காலனியில் சில தீவிரவாதிகள் பதுங்கியிருப்பதாக வந்த தகவலை அடுத்து துப்பாக்கி ஏந்திய போலீஸாருடன் அங்கே சென்றார். மஜ்லிஸ் அமைப்பின் கைத்தடியும் ஹிஸ்புல் முஜாஹிதீன் தீவிரவாதியுமான முஜீப் என்பவனால் கிருஷ்ணபிரசாத்தும் ஒரு காவலரும் கொல்லப்பட்டனர். கொன்ற முஜிப்பையும் அவனுக்குத் துணை நின்ற அவனது தம்பி நஜீபையும் பல்வேறு இடங்களில் மாற்றி மாற்றித் தங்கவைத்து ஒவைசி குடும்பம் காப்பாற்றியது. 19 ஆண்டுகள் கழித்து 2002 ஜனவரி மாதத்தில் இந்த இருவரில் நஜீபைக் காவல்துறையினர் கைது செய்தனர். முஜிப்பைக் கைது செய்து ராஜஸ்தானில் சிறையில் அடைத்துள்ளது காவல்துறை. மஜ்லிஸ் அமைப்பைச் சேர்ந்த பலரும் லஷ்கர் இ தய்யபா, ஜய்ஷ் ஏ முகமது, சிமி போன்ற தீவிரவாத அமைப்புகளுடன் தொடர்புடையவர்கள். http://www.newindianexpress.com/cities/hyderabad/article326589.ece?service=print

இந்த மஜ்லிஸ் கட்சியின் ஆதரவு ஆந்திர சட்டமன்றத்தில் காங்கிரசுக்குத் தேவை என்பதால் இவர்களின் பல தேச இறையாண்மைக்கு எதிரான போக்கு கண்டு கொள்ளப்படவில்லை. 2011ல் ஆந்திர பொது விநியோகத்துறை அமைச்சர் அடிலாபாத் பகுதியில் ரேஷன் கடை முறைகேடுகள் குறித்த புகார் பற்றி விசாரிக்க வந்தார். மஜ்லிஸ் கட்சியினர் அமைச்சர் ஒவைசியின் அனுமதியின்றி வந்ததற்கு மன்னிப்புக் கேட்க வேண்டும் என்றனர். அமைச்சர் பகிரங்க மன்னிப்புக் கேட்டார்.

இவரது தம்பி அக்பருதீன் ஒவைசி ஆந்திர சட்டமன்ற உறுப்பினர். 2013ல் நிர்மல் என்ற இடத்தில் ஒரு கூட்டத்தில் பேசும் போது திரைப்பட வில்லன் வசனம் பேசுவது போலப் பே(ஏ)சியிருக்கிறார், அவர் பேச்சு 64 நிமிடங்கள் நீடித்தது. முழுதும் இந்துக்களின் மத உணர்வுகள், நம்பிக்கைகள், பாரத தேசத்தின் தொன்மை மிக்க வரலாறு இவற்றை சிறுமைப்படுத்தும் விதமாக அமைந்தது அந்தப் பேச்சு.

சான்றுக்குச் சில இங்க

ஏ இந்துஸ்தானமே! நாங்கள் 25 கோடி முஸ்லிம்கள் இருக்கிறோம், நீ 100 கோடி பேரைக் கொண்டிருக்கிறாய். 15 நிமிடங்கள் காவல்துறையை அகற்று. யார் வலுவானவர்கள் பார்த்துவிடலாம். இந்துஸ்தானமே! இன்று என் முன்னால் ஒலிபெருக்கி இருக்கிறது. நாளை வேறெதாவது இருக்கும். அப்போது இந்த நாட்டில் ஓடும் ரத்த ஆறு போல ஆயிரம் ஆண்டு வரலாற்றில் பார்த்திருக்க முடியாது.

இப்படிப் பேசிய ஒவைசி மீது புகார் ஏதுமில்லாமலே நடவடிக்கை எடுக்க வழியிருந்தும் ஆந்திர போலீஸ் கைகட்டி நின்றது. இதனால் ஆந்திர மாநில பாஜக சட்டப்பிரிவு இவர் மீது புகார் கொடுத்தது. வீரம் பேசிய சூரர் சின்ன ஒவைசி மருத்துவம் பார்க்கிறேன் என்று இங்கிலாந்துக்கு ஓடினார். முதலில் புகாரைக் கிடப்பில் போட்ட காவல்துறை ஊடகம் மற்றும் பொதுமக்கள் கொடுத்த அழுத்தம் அதிகமானதும் நேரில் ஆஜராகி விளக்கம் அளிக்க சின்னவருக்குச் சம்மன் அனுப்பியது.

சில நாட்கள் கழித்து ஐதராபாத் வந்தவரை கைது செய்யாமல் வேடிக்கை பார்த்தது ஆந்திர காவல்துறை. ஆந்திர டிஜிபி இது ஒரு சாதாரண வழக்கு. விசாரணை அதிகாரி பார்த்துக் கொள்வார் என்றார். நடவடிக்கை பற்றி வற்புறுத்திக் கேட்டபோது "ஒரு டிஜிபி விசாரிக்க வேண்டிய வழக்கு இது இல்லை" என்று சொல்லிவிட்டுப் போனார். காங்கிரசுக் கட்சி இஸ்லாமியர் ஓட்டு போய்விடுமோ என்று அஞ்சிப் பேசாதிருக்க காங்கிரசு அரசு சட்டம் ஒழுங்கு பிரச்சினையில் செய்வதறியாது சும்மா கிடந்தது. ஊடகங்கள் ஒரு புறம் ஓவைசியைக் கண்டித்தால் மதசார்பின்மை பாதிக்குமோ என்று அஞ்சி "இது ஒரு தனி மனிதனின் புலம்பல்” என்று கூறின. இஸ்லாமியர் பலர் ஓவைசியை ஆதரித்தனர். சிலர் இது தேவையற்ற பேச்சு, ஆனால் பெரிது படுத்த வேண்டாம் என்றனர்.

ஐதராபாத்தில் எங்கோ மூலையில் ஓவைசி பேசியதை ஊடகங்கள் தொலைக்காட்சியில் காட்டி பெரிதாக்கிவிட்டன என்று குற்றம் சாட்டினார் ஒரு மௌல்வி. இணையம் குறித்தோ யூ டியூப் என்பது குறித்தோ அவர் அறிந்திருக்க நியாயமில்லை. யூ டியூப் இசுலாமுக்கு எதிரானது என்று ஃபத்வா கொடுத்தாலும் ஆச்சரியமில்லை. மருமகளின் மீது கொண்ட காமத்தால் உந்தப்பட்டு மகனை விவாகரத்து செய்யவைத்து மருமகளை பெண்டாண்ட அவலத்தை உலகத்தின் தலைசிறந்த வாழ்வியல் கோட்பாடு என்று போற்றுவோரிடம் நியாயம் குறித்து விவாதித்துப் பயனில்லை.
http://timesofindia.indiatimes.com/city/hyderabad/Police-failed-to-act-on-first-complaint-against-Akbaruddin-Owaisis-hate-speech/articleshow/17963235.cms?

இத்தகைய பாகிஸ்தான் ஆதரவுக் கொள்கையும் வஹாபியச் சிந்தனையும் நாடி, நரம்பு, இரத்தம், சதை, புத்தி என்று அனைத்திலும் ஊறிப்போன வம்சாவழியில் வந்தவரான அசாதுதீன் ஒவைசி பாகிஸ்தான் ராணுவத்துடன் சேர்ந்து இந்தியாவை எதிர்ப்போம் என்று பேசியிருந்தாலும் ஆச்சரியமில்லை. இந்த அசாதுதீன் ஒவைசியின் வஹாபியச் செயல்பாடு பாராளுமன்றத்திலேயே நடக்கிறது. பாராளுமன்றத்தில் தினசரி அலுவல்கள் முடிகிறபோது வந்தேமாதரம் பாடல் இசைக்கப்படுவது மரபு. இவர் சமீபத்திய 2014ஆம் ஆண்டு பட்ஜெட் கூட்டத் தொடரில் வந்தேமாதரம் பாடலுக்கு மரியாதை நிமித்தம் கூட நில்லாமல் சபையை விட்டு வெளியே வந்தார். அது குறித்த மற்றொரு பாராளுமன்ற உறுப்பினர் மிகுந்த வருத்தப்பட்டார். வேறொருவர் இவரைத் கடுமையாகச் சாடினார். ஆனாலும் ஒவைசி இன்னும் வந்தே மாதரத்தை மதிக்காமல் வெளியேறுவதை வழக்கமாகக் கொண்டுள்ளார். 15 நிமிடம் காவல்துறை கைகட்டி நின்றால் 25 கோடி முஸ்லிம்களா 100 கோடி இந்துக்களா பார்த்துவிடுவோம் என்று இவரது தம்பி அக்பருதீன் ஒவைசி பேசுவதும் அச்சரியமில்லை. இவர்களது பரம்பரையே ஹிந்து விரோத, பாரத விரோத, இசுலாம் தவிர்த்த அனைத்தும் தீமை என்ற சிந்தனை ஓட்டத்தில் ஊறித்திளைத்த வஹாபியர்கள். ஓட்டுவங்கி அரசியல் நடத்தும் 'மதசார்பற்ற' கட்சிகள் இவர்களது செயல்பாடுகள் குறித்து மௌனம் காப்பதும் புதிதல்ல.

இந்தச் சகோதரர்கள் மீது சட்டப்படி உரிய நடவடிக்கை எடுக்கப்படவேண்டும். பாகிஸ்தான் ராணுவத்தில் சேரச் சொன்ன பேச்சை ஒவைசி மறுத்துள்ளார் என்ற போதும் செய்தியின் பயங்கரத்தின் காரணமாக அது குறித்துத் தீவிர விசாரணை நடத்தப்பட்டு தேவைப்பட்டால் இவர்களும் இவர்களைச் சார்ந்த பாகிஸ்தான் ஆதரவாளர்களின் ஓட்டுரிமை பறிக்கப்பட்டுச் சிறையில் அடைக்கப்படவேண்டும். அக்பருதீன் ஒவைசி மீது 15 நிமிடத்தில் 100 கோடி இந்துக்களைக் கொல்வேன் என்ற பேச்சுக்காக இதே போன்ற தீவிர நடவடிக்கை எடுக்கப்படவேண்டும்.

இவர்களுக்கு இந்திய முஜாஹிதீன், சிமி போன்ற தீவிரவாதிகளுடன் தொடர்பு இருக்கிறது. அந்த அமைப்புகள் பாகிஸ்தானின் ஐஎஸ்ஐ அமைப்பின் ஆணைப்படி செயல்படுபவை. ஐஎஸ்ஐயில் பாதிப்பேர் வஹாபியத் தீவிரவாதிகள். அவர்கள் தாலிபானுக்கு உண்மையானவர்கள். தாலிபான் அல் காயிதாவுக்கு தோள் கொடுக்கச் சத்தியம் செய்து கொடுத்த அமைப்பு. முல்லா ஓமர் பின் லேடனின் மாப்பிள்ளை. இந்நிலையில் அல் காயிதா இந்தியத் துணைக்கண்டத்தில் முஸ்லிம்களுக்காகப் போர்த் தளம் ஒன்றை அமைப்போம் என்று அறிவித்திருக்கிறது. சுற்றிச் சூழ்ந்திருக்கும் அபாயத்தை உணராது நெருப்பைக் கண்டு சிரித்தபடி சென்று தொட்டுச் சூடு பட்டதும் கதறியழும் குழந்தைபோல இவர்கள் வளைத்துத் தாக்கும் போது புலம்பிப் பிதற்றும் நிலையில் நாமிருக்கக்கூடாது.

தெலுங்கானா மாநில அரசு இவர்களது தயவில் இருக்கிறது. முதல்வர் சந்திரசேகர ராவ் மஜ்லிஸ் அமைப்பையும் ஒவைசியையும் பகைத்துக்கொள்ள மாட்டார். சந்திரசேகர ராவின் மகள் ஹைதராபாத் தனி ராஜ்ஜியம் அதை இந்தியா பறிந்த்துக் கொண்டது குற்றம் என்று பேசினார். நடவடிக்கை வரும் என்று அறிந்ததும் விளக்கம் சொல்லி வாபஸ் பெற்றார். ஆகவே தெலுங்கானா மாநில அரசு தீவிரவாதிகளுக்குத் துணை போவது திட்டவட்டம். 

இன்று திண்டுக்கல்லும் ஒவைசியின் ஹைதராபாத்தை போல் மாறி வருகிறது. மிரட்டல் விடுக்கும் போஸ்டர்கள் ஒட்டப்படுகின்றன. திண்டுக்கல்லையும் தமிழகத்தையும் பயங்கரவாதிகளின் பிடியிலிருந்து காப்பாற்ற தமிழக அரசு கடும் நடவடிக்கை எடுக்கும் என்று எதிர்பார்க்கிறோம். 

வந்தேமாதரம்!

-http://vsrc.in/index.php/articles/2014-07-30-08-48-49/item/616-2014-10-06-16-16-42

Read More

ISIS - பயங்கரவாதத்தின் உச்சம்

இவர்களை எப்படி கையாலளாம் என்று அமெரிக்கா யோசித்துக் கொண்டிருக்கும் வேளையில், ஈராக் மற்றும் சிரியா பாலைவனங்களில் பொதுமக்களின் தலை அறுபட்டுக்கொண்டிருக்கிறது.
எதிரிகளை நிர்வாணமாக்கி கொத்து கொத்தாக கொல்வது; பிடிபட்ட கைதிகளை கதறக் கதற கழுத்தை அறுத்து கொல்வது; பெண்களை சிறைபிடித்து கற்பழிப்பது, அடிமைகளாக்குவது போன்ற இவர்கள் செய்யும் நல்ல காரியங்களால் உலகமே இவர்களை வாய்பிளந்து பார்க்கிறது. இவர்கள், தாங்கள் செய்யும் கொடூர செயல்களுக்கு ஆண், பெண் என்ற பேதம் பார்ப்பதில்லை, வயது வித்தியாசம் பார்ப்பதில்லை. வெளிநாட்டைச் சேர்ந்த சுற்றுலா பயணிகள், தொண்டு நிறுவனத்தைச் சேர்ந்தவர்கள், பத்திரிக்கையாளர்கள் என பலரது தலைகளை அறுத்து, அதை படம்பிடித்து இணையத்தில் வெளியிடுவதின் மூலம் உலக மக்களிடையே இவர்கள் பெரும் பீதியை ஏற்படுத்தி உள்ளார்கள். அமெரிக்காவை அச்சத்தில் ஆழ்த்திய அல் கொய்தாவே, இவர்களை மிகவும் மோசமானவர்கள், அதீத வன்முறையில் ஈடுபடுகிறார்கள் எனக் கூறி இவர்களிடமிருந்து விலகி இருக்கிறது என்றால் பார்த்துக்கொள்ளுங்களேன். ஐ.நா சபையும், அமெனஸ்டி சர்வதேச அமைப்பும், இவர்கள் அதிக ப்படியான மனித உரிமை மீறல்கள் புரிந்திருப்பதாக/புரிந்துகொண்டு இருப்பதாக கண்டனம் தெரிவித்திருக்கின்றன . ஆனால் அகில உலகமும் இவர்களை ஒன்றுமே செய்யாமல்/செய்யமுடியாமல் வெறும் வேடிக்கை மட்டுமே பார்த்துக்கொண்டிருக்கிறது.

யார் இவர்கள்?
2003 ஆம் ஆண்டில் ஈராக் நாட்டின் மீது அமெரிக்கா போர் தொடுத்தது. அதில் சதாம் ஹுசைன் தோற்றுப்போனார். பின்னர் அவர் கைது செய்யப்பட்டு, விசாரணைக்குப் பிறகு தூக்கிலிடப்பட்டார். சதாமின் வீழ்ச்சிக்குப் பிறகு, ஈராக் நாட்டில் அமெரிக்க ஆக்கிரமிப்புக்கு எதிராக அபு முசாப் அல் சர்காவி (Abu Musab Al Zarqawi) என்பவன் தாக்குதல்கள் பல நடத்தினான். சர்காவி தன் போராட்டித்திற்காக டான்ஸிம் கொய்தத் அல் ஜிஹாத் பிலாத் அல் ரபிதாயின் (Tanzim Qaidat al-Jihad fi Bilad al-Rafidayn) என்ற வாயில் நுழையாத பெயர் கொண்ட ஒரு போராட்டக் குழுவை உருவாக்கினான். 2006 ஆம் ஆண்டு, சர்காவி அமெரிக்க விமானப்படையின் தாக்குதலில் மாண்டு போனான்.
பின்னார் சர்காவி தோற்றுவித்த போராட்டக் குழு, முஜாஹிதின் ஷுரா சபை (Mujaheedin Surah Council) என்ற தீவிரவாதக் குழுவுடன் இணைந்து ஐ.எஸ்.ஐ (ISI – Islamic State of Iran) என்று பெயர் மாற்றம் பெற்றது. 2011 ஆம் ஆண்டு, ஈராக் நாட்டை விட்டு அமெரிக்க இராணுவம் தன் படைகளை திரும்பப் பெற்ற பிறகு ஐ.எஸ்.ஐ பலம் பெற்றது. ஈராக் நாட்டில் உள்ள பிரபல அபு காரிப் சிறைச்சாலையை தாக்கி அங்கிருந்து 500க்கும் மேற்பட்ட தீவிரவாதிகளை ஐ.எஸ்.ஐ கூட்டிச் சென்றது.

ஐ.எஸ்.ஐ ஈராக் நாட்டின் வட மேற்குப் பகுதிகளை தன் வசமாக்கிக் கொண்டது. இதற் கிடையில், 2010 - 2011 ஆம் ஆண்டுகளில் பல மத்திய கிழக்கு ஆசிய நாடுகளிலுள்ள மக்கள் அவர்களது அதிபர்களுக்கு எதிராக போராட்டங்களை நடத்தி ஆட்சியை கவிழ்த்தனர். இந்த கிளர்ச்சிக்கு ’அரேபிய எழுச்சி’ என்று பெயர். அரேபிய எழுச்சியில் பாதிக்கப்பட்ட நாடுகளில் சிரியாவும் ஒன்று.சிரியா நாட்டில் பல குழுக்கள் அந்நாட்டின் அதிபருக்கு எதிராக போராட்டம் நடத்தி வருகிறார்கள். ஒவ்வொரு குழுவும் தங்கள் கைவசம் சில பகுதிகளைப் பிடித்து வைத்திருக்கிறார்கள். சிரியா, ஈராக் நாட்டின் அருகாமையில் அதன் மேற்கு பகுதியில் உள்ளது. 2013 ஆம் ஆண்டு, ஐ.எஸ்.ஐ சிரியாவின் கிழக்குப் பகுதிகளில் நுழைந்து அவற்றை தன் வசமாக்கிக் கொண்டது.
ஐ.எஸ்.ஐ தன் ஆக்கிரமிப்புக்குள்ளான ஈராக் நாட்டின் வட பகுதிகளையும், சிரியா நாட்டின் கிழக்குப் பகுதிகளையும் சேர்த்து ஒரு தேசத்தை உருவாக்கியது. அந்த தேசத்திற்கு சூட்டப்பட்ட பெயர்தான் ISIS – (Islamic State of Iraq and Syria). ISIS-ஐ உலக நாடுகள் எதுவும் அங்கீகரிக்கவில்லை. ஐகுஐகு நாட்டின் தீவிரவாதிகள், மன்னிக்கவும் ஆட்சியாளர்கள் அந்த நாட்டின் பெயரிலேயே அடையாளம் காணப்படுகிறார்கள், அழைக்கப்படுகிறார்கள்.
ISIS இயக்கத்தவர்கள் வஹாபிஸத்தை (இஸ்லாமிய பழமைவாதம்) கடைபிடிப்பவர்கள். இஸ்லாம் மார்க்கத்தில் எந்த புதுமையையும் உட்புகுத்தக்கூடாது என்ற நம்பிக்கை உடையவர்கள். முஸ்லீம் மதத்தின் சுன்னி பிரிவைச் சேர்ந்தவர்கள். இஸ்லாமில் இருக்கும் ஷியா மற்றும் இன்ன பிற பிரிவுகளை இவர்கள் ஏற்றுக்கொள்வதில்லை. சுன்னியைத் தவிர ஏனையப்பிரிவுகள் இஸ்லாமிற்கு எதிரானது என்று கருதுபவர்கள். இஸ்லாம் மதத்தை அதன் பழைய உன்னத நிலைக்கு கொண்டு செல்லவேண்டும் என்பது இவர்களது நோக்கம். உலகில் உள்ள அனைத்து இஸ்லாமிய நாடுகளையும் ஒரு குடையின் கீழ் ஆட்சி செய்யவேண்டும் என்பது இவர்களது கொள்கை.
ISIS -ன் தலைவர் அபு பக்கர் அல் பக்தாதி. இவர் தன்னை காலிஃப் என்று சமீபத்தில் பிரகடனப்படுத்தியுள்ளார். அதாவது இஸ்லாமிய நாடுகளின் அரசியல் தலைவர் மற்றும் மத குருமார். முதல் உலக யுத்தத்திற்கு முன்பு, ஒட்டமான் துருக்கி சாம்ராஜ்ஜியத்தின் அரசர்தான் காலிஃபாக இருந்தார். முதல் உலக யுத்ததில் துருக்கி நாடு அடைந்த தோல்வியையடுத்து, காலிஃப் பதவி காலியாகிவிட்டது. அந்த காலிஃ பதவியை மீண்டும் கொண்டுவரவேண்டும் என்பதற்காக காந்தியின் தலைமையில் கிலாஃப்த் இயக்கம் 1920-ஆம் ஆண்டுகளில் இந்தியாவில் நடைபெற்று ஆயிரக்கணக்கான ஹிந்துக்கள் கொல்லப்பட்டனர் என்பது பலருக்குத் தெரியாது. துருக்கி நாட்டில் காலியாகிப் போன காலிஃப் பதவிக்கு இந்தியாவில் போர்க்கொடி தூக்கி பல்லாயிரக்கணக்கான உயிர் பலிகளுக்கு காரணமாக இருந்த உத்தமர் காந்தியை என்னவென்று சொல்வது?
ISIS -க்கு ஈராக் மற்றும் சிரியா நாடுகளில் மொத்தமாக 80,000 போராளிகள்/போர் வீரர்கள் இருப்பதாக அமெரிக்க உளவு நிறுவனமான சி.ஐ.ஏ தெரிவித்திருக்கிறது. இதில் வெளிநாட்டு இஸ்லாமியப் போராளிகளும் அடக்கம். செச்சன்னியா, பிரிட்டன், பிரான்ஸ், அமெரிக்க நாடுகளை சேர்ந்தவர்களும் ஐகுஐகு -ல் திருப்பணி செய்கிறார்கள். இந்தியாவிலிருந்தும், ஏன் தமிழகத்திலிருந்தும் கூட ISIS சேவையில் தங்களை இணைத்துக்கொள்ள பல இஸ்லாமிய இளைஞர்கள் ஆர்வம் காட்டிய/முயற்சி செய்த செய்திகள் ஊடகங்களிலும், இணையத்திலும் வெளிவந்திருக்கிறது.
காலிஃப் அபு பக்கர் அல் பக்தாதி தலைமையில் ஒரு அமைச்சரவை செயல்படுகிறது. அவருக்கு ஆலோசனை சொல்ல 12 கேபினட் அமைச்சர்கள் இருக்கிறார்களென்றால் பார்த்துக்கொள்ளுங்களேன். நிதித்துறை , நீதித்துறை, காவல் துறை, இராணுவம் என பல துறைகள் ISIS -ல் செயல்படுகின்றன. ஷரியத் படிதான் நீதிபரிபாலனம் செய்யப்படுகிறது. ஈராக் நாட்டின் வட பகுதிகளில் இருக்கும் எண்ணெய் கிணறுகள் ISIS -ன் வசம். அதன் மூலமாக ஐகுஐகு -க்கு கொள்ளைப் பணம் கிடைக்கிறது. இதை தவிர ISIS -ஐ சேர்ந்த போராளிகள் அவ்வப்பொழுது ஈடுபடும் கொள்ளை, கடத்தல் இவைகளின் மூலமகாவும் ISIS -ன் கஜானா நிரம்பி வழிகிறது. இதன் காரணமாக இன்று உலகிலேயே அதிக வருவாய் கொண்ட ஜிஹாத் இயக்கம் என்ற பெருமையை ISIS பெற்றிருக்கிறது.
ISIS ஆட்சிப் பகுதிகளில் பெண்கள் கண்டிப்பாக பர்தா அணியவேண்டும், வெளியில் செல்லக்கூடாது; இசை, நாட்டியம் அனைத்திற்கும் தடா; வீட்டில் புகைப்படம் வைத்திருத்தல் கூடாது; புகைப்பிடித்தலும் கூடாது; குழந்தைகளுக்கு கட்டாயம் மதக் கல்வி போதிக்கவேண்டும்; அவர்களுக்கு தப்பித் தவறி கூட அறிவியல், கணிதம், இலக்கியப் பாடங்களை கற்பித்தல்கூடாது. டார்வினின் பரிணாமக் கொள்கையாவது, நியூட்டனின் புவியீர்ப்பு கொள்கையாவது, திருகுரான் முன்னர் அவைகள் அனைத்தும் குப்பைகள் என்பன போன்ற பல நல்ல திட்டங்களை ISIS வகுத்து, அதை தன் மக்களிடையே கட்டாயமாக்கி வருகிறது.
இவைகளைத் தவிர ISIS -ன் ஆட்சி பகுதிகளின் உள்ளேயும், வெளியேயும் களையெடுக்கும் சம்பவங்களும் நடைபெற்று வருகின்றன. ஷியா பிரிவு இஸ்லாமியர்கள், கிருத்தவர்கள், குர்து இன மக்கள், எஸ்தி இன மக்கள் என அனைவரும் பரலோகத்திற்கு அனுப்பப்பட்டு வருகிறார்கள். அவர்களுடைய சொத்துகள் சூறையாடப்பட்டு அபகரிக்கப்படுகின்றன. அவர்கள் வீட்டுப் பெண்கள் போராளிகளுக்கு சுழற்சி முறையில் விருந்தாக்கப்படுகிறார்கள்.
சுன்னி பிரிவைச் சேராதவர்களுக்கு ISIS வகுத்த மூன்று நிபந்தனைகள்,
1) மதம் மாறிவிடு, அல்லது
2) ஜிஸ்ஸியா (தலைவரி) செலுத்தி திம்மியாக இரு,அல்லது
3) செத்து மடிந்து விடு.  trdrbb
ISIS -ன் கொடுமைகள் தாளாமல் பெருவாரியான மக்கள்
இவர்களது ஆளுகையை விட்டு தப்பிப் பிழைத்து அருகிலிருக்கும் நாடுகளில் தஞ்சம் புகுகிறார்கள். ஆனால் ISIS இவர்களை விடுவதாக இல்லை. எல்லையைத் தாண்டி, இவர்களைத் தொடர்ந்து, தொடர் அட்டூழியங்கள் புரிகின்றனர்.
உலக நாடுகளுக்கு இன்று ஐகுஐகு சவாலாக இருப்பதற்கு காரணம், அதனுடைய பணபலமும், உலகளவில் அதில் இணைந்து கொள்ளத் துடிக்கும் இஸ்லாமிய போராளிகளும் தான். ஒசாமா பின் லேடனின் அல் கொய்தாவிற்குப் பிறகு, அபு பக்கர் அல் பக்தாதியும், ISIS-ம் அமைதி மார்க்கத்தை தங்களுடைய பயங்கரவாதத்தால் பரப்பி, உலகில் மயான அமைதியை ஏற்படுத்துவார்கள் என்பதில் ஐயமில்லை.

- sp chokkalinkam

Read More

தமிழகத்தில் ஜிஹாதி பயங்கரவாதம்: RSS ன் தலைவர் மோகன் பகவத்.

நாக்பூர்: ''தமிழகத்தில், ஜிஹாதி பயங்கரவாத செயல்கள் அதிகரித்து விட்டன; அதை தடுக்க மாநில அரசு எவ்வித நடவடிக்கையும் எடுக்கவில்லை,'' என, ஆர்.எஸ்.எஸ்., தலைவர், மோகன் பாகவத் கூறினார்.

மகாராஷ்டிரா மாநிலம் நாக்பூரில் உள்ள, ஆர்.எஸ்.எஸ்., தலைமையகத்தில், விஜயதசமியை ஒட்டி நேற்று நடந்த நிகழ்ச்சியில், மோகன் பாகவத் ஆற்றிய உரை: 'மங்கள்யான்' செயற்கைக்கோளை, செவ்வாய் கிரக சுற்று வட்டப் பாதையில் நிலைநிறுத்திய இந்திய விஞ்ஞானிகளுக்கு பாராட்டுகள். தென் கொரியாவில் நடைபெறும் ஆசிய விளையாட்டு போட்டிகளில் இந்தியாவுக்கு கவுரவம் ஏற்படுத்தும் விதத்தில் பதக்கங்கள் குவித்து வரும் வீரர், வீராங்கனைகளுக்கு வாழ்த்துக்கள். இந்த ஆண்டு சிறப்பு வாய்ந்த ஆண்டு. ராஜேந்திர சோழன் ஆட்சியின் ஆயிரமாவது ஆண்டு இது.
மேற்கத்திய நாடுகளின் சுய நலக் கொள்கைகளால், ஐ.எஸ்.ஐ.எஸ்., போன்ற பயங்கரவாத அமைப்புகள், மேற்காசிய நாடுகளான, ஈராக் மற்றும் சிரியாவில் ஆதிக்கம் செலுத்துகின்றன. பயங்கரவாதத்தை வேருடனும், வேரடி மண்ணுடனும் அகற்றாத வரை, ஆங்காங்கே இதுபோன்ற பயங்கரவாதிகளும், இயக்கங்களும் தோன்றத் தான் செய்யும். இவற்றை அழிக்க ஒருங்கிணைந்த ஒட்டுமொத்த முயற்சி அவசியம். நாட்டின் உள்ளேயும், வெளியிலும், சில சக்திகள், இந்த நாட்டை சீர்குலைக்க வேண்டும் என திட்டமிட்டு செயலாற்றுகின்றன; மோதல்களை ஏற்படுத்த முயற்சிக்கின்றன. இதை ஆட்சியாளர்கள் விழிப்புடன் கண்காணித்து தடுக்க வேண்டும்.

தமிழகம் மற்றும் கேரளாவில், ஜிஹாதி என்ற பெயரில் பயங்கரவாத செயல்கள் அதிகரித்துள்ளன. அந்த நடவடிக்கைகளை தடுக்க, அங்கு பெரிய அளவில் எந்த முயற்சியும் இல்லை. அந்த மாநிலங்களின் கடற்கரை கனிமங்கள் கொள்ளையடிக்கப்படுவதாக தகவல்கள் வருகின்றன. மேற்கு வங்கம் மற்றும் அசாமில், அண்டை நாடான வங்கதேசத்திலிருந்து குறிப்பிட்ட மதத்தினர் அதிகமாக ஊடுருவி, இந்த மாநிலங்களில் உள்ள மக்கள்தொகையில் மிகப் பெரிய மாற்றத்தை ஏற்படுத்தி வருகின்றனர். நக்சல் தீவிரவாதம் மற்றும் ஜிஹாதி பய ங்கரவாதத்தை, மத்திய, மாநில அரசுகள் இணைந்து தடுக்க வேண்டும். இவ்வாறு, மோகன் பாகவத் பேசினார்.

அவரின் உரையை, தூர்தர்ஷன் நேரடியாக ஒளிபரப்பியது. இதற்கு, காங்கிரஸ், இடதுசாரி கட்சிகள் கடும் கண்டனம் தெரிவித்தன. தூர்தர்ஷன் தலைமை இயக்குனர், அர்ச்சனா தத்தா கூறும் போது, ''இது எங்களைப் பொறுத்த மட்டில் ஒரு செய்தி தான். இதற்காக நாங்கள் எவ்வித சிறப்பு ஏற்பாடுகளும் செய்யவில்லை,'' என்றார்

Read More

விஜயதசமி நாளில், முதன்முதலாக நாட்டு மக்களுக்கு பிரதமர் மோடி, வானொலி மூலம் பேச்சு

விஜய தசமி நாளில் பிரதமர் மோடி, முதன் முதலாக நாட்டு மக்களுக்கு வானொலி மூலம் உரை ஆற்றினார். அப்போது அவர், ‘‘நாம் ஒரு அடி முன்னேறினால் நாடு 125 கோடி அடி முன்னேறும்’’ என்றும், அனைவரும் கதர் துணி வாங்க வேண்டும் என்றும் கூறினார்.
வானொலியில் மோடி பேச்சு பிரதமர் நரேந்திர மோடி நேற்று முதன் முதலாக அகில இந்திய வானொலி மூலம் நாட்டு மக்களுக்கு உரை ஆற்றினார். அப்போது அவர் கூறியதாவது:–
இன்று (நேற்று) விஜயதசமி. விஜயதசமி, தீமையை நன்மை வெற்றி கொண்ட நாள். இந்த நாளில் உங்கள் அனைவருடனும் என் மனதில் உதிக்கும் சில எண்ணங்களைப் பகிர்ந்து கொள்ள விரும்புகிறேன். என்னுடைய முதல் வானொலி உரையை உங்களிடையே தொடங்கி இருக்கிறேன்.
எதிர்காலத்திலும் நான் மாதத்தில் 2 அல்லது ஒரு நாளை ஒதுக்கி உங்களுடன் வானொலி மூலம் பேசுவேன். அது ஞாயிற்றுக்கிழமை காலை 11.00 மணியாக இருக்கும்.
அழுக்கை, குப்பையை ஒழிப்போம் மும்பையில் இருந்து கணேஷ் என்பவர் எனக்கு ஒரு மின்னஞ்சல் அனுப்பி இருந்தார்.
அதில் அவர், இந்த நன்னாளில் நம்முடைய மனங்களில் உறையும் குறைந்தது பத்து வகையான அழுக்குகளை நீக்க நாம் உறுதி எடுத்துக்கொள்வோம் என்று எழுதி இருக்கிறார். இந்த விஜயதசமி நன்னாளில் அழுக்கையும், குப்பைகளையும் முற்றாக ஒழிப்பதில் நாம் வெற்றி காண்போம் என்று உறுதி எடுத்துக்கொள்வோம்.
‘தூய்மை இந்தியா’ திட்டம் மகாத்மா காந்தி பிறந்த நன்னாளில் 125 கோடி இந்திய மக்கள் இந்தியாவை தூய்மைப்படுத்தும் திட்டத்தை தொடங்கி இருக்கிறார்கள். நீங்கள் அனைவரும் இதை வெற்றிகரமாக முன்னெடுத்துச் செல்வீர்கள் என்ற நம்பிக்கை எனக்கு இருக்கிறது.
நேற்று இந்த திட்டத்தை தொடங்கியபோது ஒரு வேண்டுகோளை முன்வைத்தேன். 9 முக்கிய பிரமுகர்கள் குப்பைகளை அகற்றும் பணியில் ஈடுபட்டுள்ளதை வீடியோ படம் எடுத்து சமூக ஊடகங்களில் பதிவேற்ற வேண்டும். அந்த 9 பேரும் மேலும் 9 பேரை இதே போல செய்வதற்கு அழைப்பு விடுக்க வேண்டும். நீங்களும் இதில் கலந்து கொள்ளுங்கள். நீங்களும் சுத்தப்படுத்தும் பணியில் ஈடுபட்டு உங்களுக்கு பரிச்சயமான 9 பேரை இதே போன்ற பணியில் ஈடுபடுவதற்கு அழைப்புவிடுங்கள். அதிக தூரம் எல்லாம் போகவேண்டாம். உங்கள் அருகில் உள்ள நண்பர்களிடம் கூறுங்கள். அவர்கள் மேலும் 9 பேரிடம் எடுத்துச் சொல்லட்டும். அந்த 9 பேர் மேலும் 9 பேரிடம் எடுத்துச் சொல்லட்டும். இப்படி மெல்ல மெல்ல இத்தேசம் முழுதும் சுத்தமான ஒரு சூழல் உருவாகும். இந்த பணியை நீங்கள் முன்னெடுத்துச் செல்வீர்கள் என்ற நம்பிக்கை எனக்கு உண்டு.
கதர் வாங்குங்கள் மகாத்மா காந்தியைப் பற்றி பேசும்போது கதர் பற்றி பேசவேண்டியதும் மிகவும் முக்கியமானதாகும். உங்கள் குடும்பங்களில் பலவிதமான ஆடைகளும், பலவிதமான துணி வகைகளும் பல்வேறு நிறுவனங்களின் துணிவகைகளும் இருக்கலாம். அவற்றில் ஒன்றாக கதர் ஏன் இருக்கக் கூடாது?
குறைந்தது ஒரு கைக்குட்டை அல்லது துண்டு, போர்வை, படுக்கை விரிப்பு, தலையணை உறை அல்லது திரைச்சீலை என்று ஏதாவது ஒன்றாவது கதர் துணியில் இருக்கட்டும். நீங்கள் கதர் துணியை வாங்கும்போது ஒரு ஏழையின் வீட்டில் தீபாவளி விளக்கு எரிகிறது. இதனை செய்து பாருங்கள்.
வலிமையே வரம் 125 கோடி இந்தியர்கள் அளவற்ற திறன் மற்றும் வலிமையை வரமாக பெற்றவர்கள்.
நம் விஞ்ஞானிகள் நம்முடைய வல்லமையை நிரூபித்து இருக்கிறார்கள். மிகவும் குறைந்த செலவில் செவ்வாய் கிரகத்துக்கு விண்கலத்தை அனுப்பி சாதனை படைத்து இருக்கிறார்கள். மங்கள்யான் திட்டம் நம்முடைய நாட்டுக்கு பெருமை சேர்க்கும் திட்டமாகும். நமக்கு தேவையானது எல்லாம் நம்முடைய வலிமையை நாம் சரியான முறையில் புரிந்துகொள்வதுதான்.
மாற்றுத்திறனாளிகள் மின்னஞ்சல்கள் வழியாகவும், சமூக ஊடகங்கள் மூலமாகவும் பலரும் என்னை தொடர்பு கொண்டு எழுதுகிறார்கள். கவுதம் பால் என்று ஒருவர் மாற்றுத்திறனாளி குழந்தைகள் பற்றி எனக்கு எழுதி இருக்கிறார்.
மாற்றுத்திறன் கொண்ட குழந்தைகளின் திறமைகளை அடையாளம் கண்டு ஊக்குவிக்கும் வகையில் நாம் திட்டங்களை உருவாக்க வேண்டும் என்று கூறி இருக்கிறார். அவர் எழுதியதை உண்மையாகவே நான் மிகவும் விரும்பினேன்.
முதல்–மந்திரியாக இருந்தபோது... நான் குஜராத் மாநிலத்தின் முதல்–மந்திரியாக இருந்தபோது ஏதென்ஸ் மாநகரில் நடந்த மாற்றுத்திறனாளிகளுக்கான ஒலிம்பிக் போட்டிகளில் கலந்து கொள்ள குஜராத் மாநிலத்தை சேர்ந்த மாற்றுத்திறன் கொண்ட குழந்தைகள் சென்றார்கள். வெற்றியுடன் திரும்பி வந்தார்கள். அந்த குழந்தைகளை வீட்டுக்கு அழைத்து, அவர்களுடன் 2 மணி நேரம் செலவழித்தேன். அது என் வாழ்க்கையில் மிகவும் உணர்ச்சி மிகுந்த தருணமாகும்.
இந்த தேசம் அனைவருக்கும் சொந்தமானது. வளர்ச்சியை நோக்கிய பயணத்தில் மக்களின் பங்கேற்பு மிகவும் முக்கியமானது.
நல்ல ஆலோசனை குழந்தைகளின் திறமைகளை மேம்படுத்தும் வகையில் அமைந்த பாடங்களை சிறு வயதிலேயே தொடங்க வேண்டும் என்று மக்கள் பலரும் எனக்கு மின்னஞ்சலில் எழுதி இருக்கிறார்கள். இது நல்ல ஆலோசனை.
நீங்கள் அனைவரும் இதுபோன்ற நல்ல விஷயங்களை என்னுடன் பகிர்ந்து கொள்ள வேண்டும் என்று விரும்புகிறேன். நல்ல சம்பவங்களை, உண்மையாக நடந்த சம்பவங்களை என்னுடன் பகிர்ந்து கொண்டால் அதை நாட்டு மக்கள் அனைவருடனும் நான் பகிர்ந்துகொள்வேன்.
சேவை செய்வோம் நாம் அனைவரும் ஒன்றிணைந்து சேவை செய்து நம்முடைய தாய்த் திருநாட்டுக்கு சேவை செய்வோம். நம்முடைய அற்புதமான நாட்டை மேலும் உயர்த்துவோம். புதிய சிகரங்களை நோக்கி நாட்டை அழைத்துச் செல்வோம்.
நாம் அனைவரும் ஒவ்வொரு நாளும் புதிய அடிகளை எடுத்து வைப்போம். நாம் அனைவரும் ஒரு அடி முன்னேறினால் இந்த நாடு 125 கோடி அடி முன்னேறும்.
இவ்வாறு பிரதமர் நரேந்திர மோடி கூறினார்.

-தினத்தந்தி.

Read More

பிரிட்டிஷ் பிணைக்கைதி ஆலன் ஹென்னிங் தலை துண்டித்து கொலை; ஐ.எஸ். தீவிரவாதிகள் வெறிச்செயல்

பிரிட்டிஷ் பிணைக்கைதி ஆலன் ஹென்னிங் தலையை துண்டித்து கொலை செய்து ஐ.எஸ். தீவிரவாதிகள் வீடியோவை வெளியிட்டுள்ளனர்.

உலகில் இதுவரை இல்லாத அளவுக்கு சிரியா, ஈராக்கில், சன்னி முஸ்லிம் பிரிவை சேர்ந்த ஐ.எஸ். தீவிரவாதிகள் பெரும் அச்சுறுத்தலாக அமைந்துள்ளதாக அமெரிக்கா அலறுகிறது. அந்த அளவுக்கு அந்த இயக்கம், கொடூர இயக்கமாக உருவெடுத்துள்ளது. ஈராக், சிரியாவில் உள்ள ஷியா முஸ்லிம் அரசுகளுக்கு எதிராக இஸ்லாமிய அரசு ஒன்றை பிரகடனம் செய்து, தன் ஆதிக்கக்கொடியை அந்த இயக்கம் நாட்டி வருகிறது. தனது சக சன்னி முஸ்லிம் கிளர்ச்சியாளர்களுக்கும், குர்து இன மக்களுக்கும் கூட இந்த இயக்கம் சிம்ம சொப்பனமாக திகழ்கிறது.

ஈராக்கில் இந்த தீவிரவாதிகளை எதிர்த்து அமெரிக்கா மட்டும் வான்தாக்குதல்களை நடத்தி வந்தது. ஐ.எஸ். தீவிரவாதிகளுக்கு எதிரான தனது போரில் உலக நாடுகள் ஒன்று திரண்டு கை கொடுக்க வேண்டும் என்று அமெரிக்க ஜனாதிபதி ஒபாமா அழைப்பு விடுத்தார். இதனையடுத்து, பிரான்சு, பிரிட்டன், இங்கிலாந்து, டென்மார்க், ஜெர்மனி என 30க்கும் மேற்பட்ட உலக நாடுகள் ஐ.எஸ். தீவிரவாதிகளுக்கு எதிரான தாக்குதலில் ஈடுபட்டுள்ளன. சவூதி அரேபியா, ஐக்கிய அரபு குடியரசு, ஜோர்டான், பஹ்ரைன், கத்தார் ஆகிய நாடுகள் தாக்குதலில் இடம்பெற்றுள்ளன. தொடர்ந்து ஈராக் மற்றும் சிரியாவில் தீவிரவாதிகளை குறிவைத்து இந்நாடுகள் தாக்குதல் நடத்திவருகிறது.

இந்நிலையில் பிரிட்டிஷ் பிணையக்கைதியான ஆலன் ஹென்னிங் தலையை துண்டித்து ஐ.எஸ். தீவிரவாதிகள் கொலை செய்துள்ளனர். இது தொடர்பான வீடியோவை ஐ.எஸ். தீவிரவாதிகள் இணையதளத்தில் வெளியிட்டுள்ளனர். ஆலன் ஹென்னிங்கை தீவிரவாத குழு, பாறை முழங்காலில் நிற்கவைத்து தலையை துண்டித்து கொலை செய்துள்ளது. ஆலன் ஹென்னிங்கை கொலை செய்தவற்கு முன்னதாக பிரிட்டிஷ் நாட்டின் நடவடிக்கைக்கு எதிர்ப்பு தெரிவிக்கும் வகையிலான அறிக்கையை வாசிக்க கூறியுள்ளனர். அடுத்ததாக அமெரிக்க முன்னாள் ராணுவ வீரர் பீட்டர் காஸ்சிக்கை கொலை செய்வோம் என்று தீவிரவாதிகள் மிரட்டியுளனர்.

கொலை செய்யப்பட்டுள்ள ஆலன் ஹென்னிங் (வயது 47) கடந்த ஆண்டு டிசம்பர் மாதம் வடமேற்கு சிரியாவில் உள்ள ஒரு மருத்துவமனைக்கு மருந்து எடுத்து சென்ற போது துப்பாக்கி ஏந்திய ஐ.எஸ். தீவிரவாதிகளால் பிணைய கைதிகளாக பிடிக்கபட்டார்.  ஏற்கனவே ஐ.எஸ். தீவிரவாதிகள் அமெரிக்க பத்திரிகை நிருபர்களான ஜேம்ஸ் போலே, ஸ்டீவன் சாட்லாப் ஆகியோரை தலையை துண்டித்து கொடூரமாக கொலை செய்து, உலகையே அதிர்ச்சியில் ஆழ்த்தினர். பின்னர் டேவிட் ஹெய்ன்ஸ் (வயது  44) என்ற இங்கிலாந்து பிணைக்கைதியையும் கொன்றனர். தற்போது ஆலன் ஹென்னிங்கையும் தலை துண்டித்துக் கொலை செய்துள்ளனர். இந்த சம்பவத்திற்கு உலக நாடுகள் கடும் கண்டனம் தெரிவித்துள்ளன. அமெரிக்க அதிபர் பாரக் ஒபாமா, பிரிட்டன் பிரதமர் டேவிட் கேம்ரூன் உள்பட உலக நாடுகளின் தலைவர்கள் கடும் கண்டனம் தெரிவித்துள்ளனர். கண்டனம் தெரிவித்துள்ள அமெரிக்கா கொலையாளியை சட்டத்தின் முன் நிறுத்துவோம் என்று சபதம் தெரிவித்துள்ளது.

-தினத்தந்தி

Read More

வ.களத்தூரில் கோலாகலமாக ஆயுத பூஜை கொண்டாட்டம்.

      வெற்றித்திருனாளான ஆயுத பூஜை வ.களத்தூர் மற்றும் சுற்றுவட்ட கிராமங்களில் கோலாகலமாக கொண்டாடப்பட்டு வருகிறது. மாணவர்கள் தங்கள் பாடபுத்தகங்களை சாமிக்கு படைப்பதில் தொடங்கி , அடிப்படையில் விவசாய சமுதாயமாக வாழும் நம் ஊர் மக்கள் தங்கள் கத்தி, அரிவாள், உழவுப்போருட்கள், ஏர் , கலப்பை , தாங்கள் பயன்படுத்தும் வாகனம் முதற்கொண்டு கழுவி சுத்தப்படுத்தி பொட்டு இட்டு வணங்கி வருகிறார்கள்.

கடைத்தெருவில் மாவிலை தோரணம் கட்டி கடை வாசலில் வாழை மரம் கட்டி போவோர் வருவோருக்கு பொரிக்கல்லை சுண்டல் வழங்கி ஆயுத பூஜை சிறப்பாக கொண்டாடப்பட்டு வருகிறது.

பட உதவி - சுரேஷ் அய்யாசாமி.

மாலை வேளையில் தயாராகும் வாழை மர அலங்காரம்

இரவு நேரத்தில்  ஜொலிக்கும் வ.களத்தூர்

கோவிந்தசாமி ஆசிரியர் ஜவுளிக்கடை முன்பு.

அய்யர் கடை படையல்

அடகுக்கடை அலங்காரம்

பொரிக்கல்லை சுண்டல் வழங்கும் நம் சொந்தங்கள்

காலையில் வ.களத்தூர் சிவன்கோவில் உழவாரப்பணி.

வ.களத்தூர் கடை வீதியில் ஜொலிக்கும் முத்து வீடியோ கடை

வ.களத்தூர் வன்னாரம்பூண்டி அய்யாசாமி மர இழைப்பக ஆயுதங்கள் படையலுக்கு தயாராக.

வன்னாரம்பூண்டியில் ஆயுத பூஜை விழா...

Read More

மதுவை எதிர்ப்பது நமது உரிமை!

காந்தி ஜெயந்தி சிறப்புக் கட்டுரை

“கண்ணிரண்டும் விற்றுச் சித்திரம் வாங்கினால்
கைகொட்டிச் சிரியாரோ?”
-என்று பாடுவார் மகாகவி பாரதி,  ‘சுதந்திரப் பெருமை’ என்ற பாடலில். சுதந்திரத்தின் மகிமையை விளக்க அவர் எழுதிய இவ்வரிகள், மதுபோதையில் தள்ளாடும் தற்போதைய தமிழகத்தின் அவலநிலைக்கும் பொருந்துவதாக உள்ளன.
நாட்டிலேயே தமிழகத்தில் தான் மாநில அரசே மதுவிற்பனையை ஊக்குவித்து மக்களைக் கொன்று குவிக்கிறது. குஜராத் தவிர வேறெந்த மாநிலத்திலும் மதுவிலக்கு இல்லாதபோதும், பிற மாநிலங்களில் தமிழகம் போல மதுவிற்பனைக்கென்றே  ‘டாஸ்மாக்’ (TASMAC) போன்ற அரசு நிறுவனம் இயங்குவதாகத் தெரியவில்லை.
தமிழகத்தில் மட்டுமே மது விற்பனையை அதிகரிக்க அரசே இலக்கும் நிர்ணயிக்கிறது. இதில் நகைமுரண் என்னவென்றால், இந்த டாஸ்மாக் நிறுவனம், அரசின் சுங்கவரி மற்றும் மதுவிலக்குத் துறையால் தான் நிர்வகிக்கப்படுகிறது!
மது விற்பனையால் கிடைக்கும் சுங்கவரி மற்றும் கலால் வரியால் பெறப்படும் வருவாயே தமிழக அரசின் ஆண்டு வருவாயில் சரிபாதியாக இருக்கிறது. இதைக் கொண்டுதான் தமிழக மக்களுக்கு இலவசத் திட்டங்கள் அள்ளிவிடப்படுகின்றன. மாணவர்களுக்கு விலையில்லா மடிக்கணினி தரவும், பெண்களுக்கு விலையில்லா மிக்ஸி தரவும், அதே குடும்பத்தைச் சார்ந்த ஆண்களைக் குடிகாரர்களாக்குகிறது தமிழக அரசு. இது கண்களை விற்றுச் சித்திரம் வாங்குவதல்லாமல் வேறென்ன?
முதல்முறையாக 1937-ல் சென்னை ராஜதானியில் ராஜாஜி முதல்வராக இருக்கையில் மதுவிலக்கு கொள்கை அறிவிக்கப்பட்டது. பிற்பாடு காங்கிரஸ் ஆட்சி பதவி விலகியதும், 1944-ல் ஆங்கிலேய அரசு தமிழகத்தில் கள்ளுக்கடைகளைத் திறக்க முடிவெடுத்தபோது, அதைக் கடுமையாக எதிர்த்தார் ராஜாஜி.
அப்போது அவர் எழுதிய கட்டுரையில்,  ‘மதுபானத்திலிருந்து சமுதாயச் செலவுக்காக எடுக்கக்கூடிய வரிப்பணத்தை ஏன் வீணில் இழக்க வேண்டும்? வரிப்பணம் இருந்தால்தானே ஜனங்களுக்கு வேண்டிய நன்மைகளைச் சர்க்கார் செய்ய முடியும்?’ என்று கேட்கிறார்கள். உண்மையில் கலால் வருமானமானது வருமானமே அல்ல. இப்போது சர்க்கார் கஜானாவில் செலுத்தப்படும் வருமானத்தை விட மதுவிலக்கு ஏற்பட்டால்,  ஐந்து மடங்கு அதிகமாக மக்கள் வீடுகளில் பணம் மிஞ்சும். மதுவினால் அதிகரிக்கும் குற்றங்களும் குறையும்-  என்று எழுதினார்.
தமிழகத்தின் தற்போதைய நிலைமை என்ன? ஒரு திரைப்படத்தில் நகைச்சுவையான வசனம் வரும்- இங்கு மதுவைத் தொடாத ஆணாக இருக்க வேண்டுமென்றால் அவன் பச்சைக்குழந்தையாகத் தான் இருக்க முடியும் என்று! ஆண்களை மலடாகவும், குடும்பங்களை குப்பையாகவும் ஆக்கும் மதுவுக்கு நமது அரசே ஆதரவாக இருக்கிறது!
தமிழகத்தில் திமுக ஆட்சிப்பொறுப்புக்கு வந்த பின்னரே மதுவிலக்கு தளர்த்தப்பட்டது. அந்த  முடிவை அப்போதைய முதல்வர் மு.கருணாநிதி 1971-ல் எடுத்தபோது, கொட்டும் மழையிலும் அவரை வீட்டிற்கே நேரில் சென்று சந்தித்து, மன்றாடினார் முதுபெரும் தலைவர் ராஜாஜி. அதை கருணாநிதி பொருட்படுத்தவில்லை. அதன் விளைவு, யாரும் காணாமல் ஒளிந்து மது அருந்தியவர்கள் கூட கூச்சமின்றி மதுக்கடைக்குப் படையெடுப்பது துவங்கியது.
மதுவிலக்கு கொள்கையின் தள்ளாட்டம்:

மதுவிற்பனையில் கழகங்களிடையே போட்டி…

1937-லிருந்து 2001 வரை,  1944- 47, 1971–74, 1983–87, 1990–91 ஆகிய சிறு கால இடைவெளிகளைத் தவிர பெரும்பாலான காலங்களில் தமிழகத்தில் மது விற்பனை தடை செய்யப்பட்டிருந்தது. அதாவது 2001 வரையிலான சுமார் 68 ஆண்டுகளில் 11 ஆண்டுகள் மட்டுமே மதுவிற்பனை தமிழகத்தில் தாராளமாக இருந்திருக்கிறது. இந்நிலைக்கு சாவுமணி அடித்தது, எம்.ஜி.ராமசந்திரன் முதல்வராக இருந்தபோது 1983-ல் டாஸ்மாக் நிறுவனம் துவங்கியபோது தான்.
தமிழ்நாடு மாநில வாணிபக் கழகம் (டாஸ்மாக்),  1983-ல் எம்.ஜி.ராமசந்திரன் தலைமையிலான  அதிமுக அரசால், தமிழகத்தில் மதுவகைகளின் மொத்த விற்பனைக்காக தொடங்கப்பட்டது. இந்திய நிறுவனச் சட்டம் -1956 இன்படி, இந்நிறுவனம் மாநில அரசின் கட்டுப்பாட்டின் கீழியங்கும் அமைப்பாக நிறுவப்பட்டது. ஆளும்கட்சிக்கு வற்றாத வளம் தரும் காமதேனுவாக டாஸ்மாக் உணரப்பட்டது அக்காலத்தில் தான். ‘பாக்கெட் சாராயம்’ எனப்படும் மிக மோசமான வஸ்து தமிழகத்தில் ஆறாக ஓடியதும் அக்காலத்தில் தான். எனினும் 1987- மீண்டும் மதுவிலக்கு வந்து, தமிழகப் பெண்களின் நெஞ்சில் பால் வார்த்தது.
2001-ல் அதிமுக ஆட்சியின்போது, மீண்டும் மதுவிலக்கு கொள்கை தூக்கி எறியப்பட்டது. மதுவிலக்கால் கள்ளச்சாராயம் பெருகுவதாகக் கூறி, அன்றைய முதல்வர் ஜெ.ஜெயலலிதா, மதுவிலக்கைத் தளர்த்தினார். அது இன்று பூதாகரமாகி, அரசையே இயக்கும் அளவுக்கு பிரமாண்டமாகி இருக்கிறது.
இதில் வேடிக்கை என்னவென்றால், டாஸ்மாக் துவங்கியபோது (1983), கள்ளச்சாராயத்தைத் தடுத்து  மதுவிற்பனையை முறைப்படுத்துவதே அதன் இலக்காக இருந்தது. அதுவே 2003-ல் மாநிலத்தின் ஒரே அதிகாரப்பூர்வ மது விற்பனை நிறுவனமாக மாற்றப்பட்டது.
2001-ல் மதுவிற்பனையை முறைப்படுத்த டாஸ்மாக் முயன்றபோது மது வர்த்தகத்தில் ஈடுபட்ட அரசியல்வாதிகள் நடத்திய கூட்டணி ஏலமுறையால் அரசுக்கு பெரும் இழப்பு ஏற்பட்டது. அபோதுதான், டாஸ்மாக் நிறுவனமே நேரடியாக மது விற்பனையில் இறங்குவது என்று அரசு முடிவெடுத்தது. அக்டோபர் 2003- இல்  ‘தமிழ்நாடு மதுவிலக்குச் சட்டம்- 1937’இல் திருத்தம் செய்ததன் மூலம், டாஸ்மாக்கிற்கு மது விற்பனையில் மாநிலம் முழுவதும் ஏகபோக தனியுரிமை அளிக்கப்பட்டது.
அப்போது இதனை கடுமையாக எதிர்த்த திமுக, 2006-ல் தான் ஆட்சிப் பொறுப்பேற்றபோது, டாஸ்மாக் வருவாயைக் கருத்தில் கொண்டு முந்தைய அரசின் கொள்கையையே தொடரத் தீர்மானித்தது. மது வியாபாரத்தில் மட்டுமே இவ்விரு கட்சிகளிடையே நல்லிணக்கம் காணப்படுகிறது.
2013-14 நிதியாண்டில் டாஸ்மாக் நிறுவனம் வாயிலாக அரசுக்கு கிடைத்துள்ள வருவாய் ரூ. 23,401 கோடி. இது முந்தைய ஆண்டைவிட ரூ. 1,721 கோடி அதிகம். மதுப் பயன்பாடு அதிகரிப்பு, மதுவகைகளின் விலையேற்றம் ஆகிய காரணங்களால் வருமாண்டில் இது மேலும் அதிகரிக்கும் என்று சொல்லத் தேவையில்லை.
ஆண்டுதோறும் அதிகரித்துவரும் டாஸ்மாக் வருவாய் (காண்க: பட்டியல்) அரசுக்கு இனிப்பாக இருக்கலாம்; ஆனால் அது நாட்டையே அழிக்கும் விஷம் என்பதை நமது ஆட்சியாளர்கள் உணர மறுக்கின்றனர்.
தலையை ஆட்டுவிக்கும் வால் டாஸ்மாக்:
தமிழக அரசின் வற்றாத அமுதசுரபியாகக் கருதப்படும் டாஸ்மாக், முற்றிலும் அரசு நிறுவனம். கல்வியையும் மருத்துவத்தையும் மக்களுக்கு வழங்க வேண்டிய அரசு, அவற்றை தனியாருக்குத் தாரை வார்த்துவிட்டு, மதுவிற்பனையை முறைப்படுத்துவதாகக் கூறிக்கொண்டு, மதுவை விற்று வருகிறது.

டாஸ்மாக் வருவாய்- ஒரு புள்ளிவிவரம்

இதனை நிர்வகிக்க இந்திய ஆட்சிப்பணி (ஐஏஎஸ்) அதிகாரிகள் ஐவர் நியமிக்கப்படுகின்றனர். டாஸ்மாக் வருவாய் குறையும் பகுதிகளில் மதுவிலக்கு காவல்துறையினர் தீவிரமாகப் பாடுபட்டு கள்ளச் சாராயத்தை ஒழிக்கின்றனர். நாட்டு மக்கள் கள்ளச் சாரயம் குடிப்பதை விட நல்ல சாராயம் குடிப்பதே நாட்டிற்கு நல்லது என்பது தானே அரசின் கொள்கை?
இந்தியத் தயாரிப்பு வெளிநாட்டு மதுவகைகளை (ஐஎம்எஃப்எஸ்) கொள்முதல் செய்வது, அவற்றை வர்த்தகம் செய்வது ஆகியவையே டாஸ்மாக்கின் பணிகள். இதற்கென மாநிலம் முழுவதும் 41 கிடங்குகள் இயங்குகின்றன. விவசாய விளைபொருளைப் பத்திரப்படுத்த கிடங்குகள் உள்ளனவோ இல்லையோ, மதுவகைகளை பத்திரப்படுத்த கிடங்குகள் அதிநவீனமாக அமைக்கப்படுகின்றன.  தற்போது மாநிலம் முழுவதும் 4,035 டாஸ்மாக் மதுக்கூடங்கள் உள்ளன.
இந்நிறுவனத்தை இயக்க 350 அரசு ஊழியர்களும், பல்வேறு துறைகளிலிருந்து தற்காலிக இடமாற்றம் செய்யப்பட்ட 300 அரசுப் பணியாளர்களும், தினசரி சம்பள அடிப்படையில் வேலை செய்யும் 28,000 ஊழியர்களும், ஒப்பந்த அடிப்படையில் நியமிக்கப்பட்ட 95 அதிகாரிகளும் உள்ளனர். இது டாஸ்மாக் இணையதளம் தரும் தகவல். இந்த ஊழியர்களுக்கு அளிக்கப்படும் ஊதியச் செலவினம் மிகவும் குறைவே. எனவே, டாஸ்மாக் நிறுவனத்தில் முறைகேடுகள் பெருகிவிட்டன. அது தனிக்கதை.
தவிர, மதுவகை கொள்முதலிலும் ஊழல் கொடிகட்டிப் பறக்கிறது. அரசுக்கு வருவாய் என்பது மாறி, ஆளும் கட்சிக்கு தேர்தல்கால ஆபத்பாந்தவனாக இக்கொள்முதல் முறை மாறியிருக்கிறது. எனவே தரமற்ற சரக்குகள் விற்பனையில் புகுந்து, ஏற்கனவே தள்ளாடும் குடிமகனை மேலும் நாசமாக்கி நடுத்தெருவில் வீழ்த்துகின்றன.
டாஸ்மாக் மதுக்கடையை ஒட்டி அமைக்கப்படும் மதுக்கூடங்கள் (பார்) நடத்துவது தான் அரசியல்வாதிகளின் இப்போதைய முக்கியமான தொழில். பெரும்பாலும் ஆளும்கட்சிப் பிரமுகர்களே பினாமி பெயர்களில் இவற்றை நடத்துவதால், இங்கும் முறைகேடுகள் உச்சம். உதாரணமாக, இங்கு ஒரு ரூபாய் மதிப்புள்ள காகிதக் கோப்பை ரூ. 5-க்கு கொள்ளை லாபத்திற்கு விற்கப்படுகிறது. குடிமகனின் வருவாயைச் சுரண்டுவதில் டாஸ்மாக் நிறுவனத்துடன் போட்டியிடுகின்றன இந்த பார்கள்.
ஆக மொத்தத்தில், அரசுக்கு பல்லாயிரம் கோடிக் கணக்கில் வருமானம், அரசுத் துறை அதிகாரிகளுக்கு முறைகேடுகளால் கிடைக்கும் கோடிக்கணக்கான லஞ்சம், ஆளும்கட்சிப் பிரமுகர்களுக்குக் கிடைக்கும் கோடிக் கணக்கான பார் வருவாய், அரசியல்வாதிகள் நடத்தும் மது உற்பத்தி ஆலைகளின் பலகோடி லாபம் ஆகிய பல அம்சங்கள் பின்னிப் பிணைந்தது மது விற்பனை உலகம். அரசு என்னும் தலையை டாஸ்மாக் என்னும் வால் ஆட்டும் விந்தைக்கு ஆதாரம் இதுவே.
தமிழகத்தில் மதுவிற்பனைக்கு எதிராக பரவலாக குரல்கள் ஒலித்தாலும் கூட, அரசு அவற்றைக் கருத்தில் கொள்ளாததற்கும் இதுவே காரணம். பொன்முட்டையிடும் வாத்து போன்ற டாஸ்மாக் வர்த்தகத்தைக் கைவிட தமிழக அரசு தயாரில்லை. ஆக, மக்களைக் காக்க உருவாக்கப்பட்டதாகக் கூறப்பட்ட டாஸ்மாக் இன்று மக்களை சிறுகச் சிறுகக் கொன்று குவித்துக் கொண்டிருக்கிறது.
குடிப்பழக்கத்தின் கொடிய விளைவுகள்:

மதுவின் கொடுமைகள் குறித்து தனியே விளக்க வேண்டியதில்லை. தமிழகத்தில் எந்தத் தெருவிலும் விழுந்துகிடக்கும் இளைஞனே மதுவின் கோரத்திற்கு நேரடிச் சான்று. மதுப்பழக்கத்தால் நாசமாகும் இளைஞர் சமுதாயம்; குலையும் குடும்ப உறவுகள்; சிதையும் பொருளாதாரம்; மங்கும் உழைப்புத் திறன், அதிகரிக்கும் பெண்கள் மீதான பாலியல் வன்கொடுமைகள்.. என மதுவின் கொடுமைகள் நீள்கின்றன.

வயது வந்தவர்கள் கூட மறைந்து குடித்த காலம் மாறி, பள்ளி செல்லும் எட்டாம் வகுப்பு மாணவனே குடித்துவிட்டு வகுப்புக்கு வரும் நிலை ஏற்பட்டிருக்கிறது. ஆண்களோடு சரிநிகர் சமானமாக பெண்களும் குடித்துவிட்டு கும்மாளமிடும் கலாசாரம் எல்லை மீறி, குற்றச்செயல்கள் பெருகுகின்றன. குடியே ஒரு பெருமையாக மாறிவரும் நாசகாரக் கலாசாரமும் உருவாகி வருகிறது.
இன்று அரசியல் கூட்டங்கள் மதுப்புட்டி விநியோகம் இல்லாமல் சாத்தியமில்லை என்ற நிலையும் உருவாகிவிட்டது. மகிழ்ச்சியான கொண்டாட்டங்களில் மது தவிர்க்க முடியாத அம்சம் என்ற பாவனையும் உருவாகி வருகிறது. இதனால் குடிநோய்கள் பெருகுகின்றன.
தொழிலாளர்களின் உற்பத்தித்திறனை முடக்குவதாகவும், கல்லூரி மாணவர்களைத் தடம்புரளச் செய்வதாகவும், மது அரக்கன் உருவாகி இருக்கிறான்; உள்நாட்டுத் தயாரிப்பான கள்ளைக் குடித்தால் குற்றம், வெளிநாட்டு மதுவகையான பிராந்தியைக் குடித்தால் சரியானது என்ற தவறான நிலைப்பாடு அரசாலேயே உருவாக்கப்பட்டுள்ளது. இதன் விளைவாக குடலும் ஈரலும் வெந்து மாயும் தமிழ் மக்களின் எண்ணிக்கை நாள்தோறும் அதிகரித்து வருகிறது.
இதில் வேதனை என்னவென்றால், மது விற்பனை வருவாய் குறித்த புள்ளிவிவரங்கள் அனைவரும் அறிந்தவையாக உள்ளன. இந்த விற்பனையை விசேஷ நாட்களில் அதிகரிக்குமாறு அரசே உத்தரவிடுகிறது. ஆனால், மதுவின் தீமையால் இறக்கும் குடிமக்களின் எண்ணிக்கை குறித்த சுகாதாரப் புள்ளிவிவரங்கள் அரசிடம் இல்லை. ஆயினும், மருத்துவமனைகளில் கல்லீரல் அழுகல் நோயால் பாதிக்கப்படும் நோயாளிகளின் எண்ணிக்கை அதிகரித்து வருவதை மருத்துவர்கள் ஒப்புக்கொள்கின்றனர்.
மதுப்பித்து, ஆண்மைக்குறைவு, நரம்புத் தளர்ச்சி, சாராய மயக்கம், கணைய அழற்சி, குடற்புண், இதயநோய், மனநல பாதிப்பு, சுயநினைவிழப்பு போன்ற பல உடல்நலப் பாதிப்புகளை குடிப்பழக்கம் உருவாக்குகிறது. ஆரோக்கியமான சமுதாயம் அமைய குடிப்பழக்கம் விரோதி என்பதை அரசு மறந்துவிட்டது.

மூதறிஞர் ராஜாஜி ஒரு கதை சொல்வார். “ஒருவனிடம் ‘மதுவை அருந்துதல், ஒரு பெண்ணை பலாத்காரம் செய்தல், அவளது கைக்குழந்தையைக் கொலை செய்தல்’ என்ற மூன்றில் ஒன்றைக் கண்டிப்பாகச் செய்ய வேண்டும் என்று சைத்தான் உத்தரவிட்டது. மற்றவை பெரும் பாவம் எனக் கருதிய அந்த மனிதன்,  மதுவை அருந்தினான். போதை ஏறியதும் அவன்,  அந்தப் பெண்ணை பலாத்காரம் செய்தான். அதற்கு இடையூறாக இருகப்பதாக என்று எண்ணி அழுத குழந்தையையும் கொலை செய்தான். எனவே, எல்லாப் பாவங்களுக்கும் மூலமான மதுவை ஒழிக்க வேண்டும்;  பூரண மதுவிலக்கு மூலம் மதுவைக் கட்டுப்படுத்தினாலே ஏராளமான குற்றங்கள் குறையும்” என்பார் ராஜாஜி.

நாம் என்ன செய்ய வேண்டும்?
“கள்ளுண்பவர் நஞ்சுண்பவரே” என்கிறார் திருவள்ளுவர் (குறள்- 926). இதற்காக ‘கள்ளுண்ணாமை’ என்ற தனி அதிகாரமே படைத்த அவரைப் பற்றி பெருமையாகப் பேசுகிறோம். ஆனால், குறள் வழி நடப்பதை மதுபோதையால் தவிர்க்கிறோம்.
மதுவின் கொடுமையை விளக்காத இலக்கியம் தமிழில் இல்லை. ஆனால், பழம்பெருமை பேசிக்கொண்டே முச்சந்தியில் கிடக்கும் குடிகன்களைக் கடந்துபோகிறோம்.
நமது அண்டை மாநிலமான கேரளம் குடியின் நாசத்தை உணர்ந்து அதைக் கட்டுப்படுத்த வழிகளைத் தேட்த் துவங்கிவிட்டது. நாமோ, அரசுக்கு வருவாய் கிடைத்தால் போதும் என்ற சிந்தையுடன் இலவசம் வழங்கும் அரசையே தேர்ந்தெடுக்கத் துடிக்கிறோம்.

செருப்புக்குத் தோல் வேண்டியே – இங்கு கொல்வரோ
செல்வக் குழந்தையினை?”

- என்று பாடுவார் மகாகவி பாரதி,  பாஞ்சாலி சபதத்தில். சூதில் தோற்ற தருமன் திரௌபதியைப் பணயம் வைத்தபோது, வெகுண்டு பாடும் பாரதியின் ஆவேச வார்த்தைகள் இவை. தமிழகத்தில் இலவசப் பொருள்களைப் பெற, நம்மை நாமே விற்று வருவது செல்வக் குழந்தையைக் கொல்வது போலத் தானே?

மதுவிலக்குப் போராளி சசிபெருமாள்.

விலையில்லாப் பொருள்களைப் பெற வரிசையில் நிற்கும் தமிழ்க் குடிமக்கள், தங்கள் விலைமதிப்பற்ற ஆரோக்கியத்தையும் எதிர்காலத்தையும் விலைபேசும் டாஸ்மாக் தான் அதற்கான வருவாய் ஆதாரமாக உள்ளது என்பதை எப்போது உணரப் போகிறார்கள்? மக்கள் இதனை உணராதவரை, மாநில அரசு திருந்தப்போவதில்லை.
மதுவிலக்கை நடைமுறைப்படுத்த வேண்டும் என்று தமிழகத்தின் முன்னணி அரசியல்வாதிகளான மருத்துவர் ராமதாஸ், வைகோ, தமிழருவி மணியன், பொன்.ராதாகிருஷ்ணன், நல்லக்கண்ணு, ஜி.ராமகிருஷ்ணன் போன்றவர்களும், சசிபெருமாள், செந்தில் ஆறுமுகம், மதுரை மாணவி நந்தினி போன்ற சமூகப் போராளிகளும் வலியுறுத்தி வருகின்றனர்.

அக்டோபர் 9 அன்று மாநிலம் தழுவியமதுவிற்கு எதிரான உண்ணாவிரதம் ABVP யினால் நடத்தப்பட உள்ளது.

 அகில பாரதீய வித்யார்த்தி பரிஷத் போன்ற மாணவர் இயக்கங்கள் இப்போது மதுவின் கொடுமையை மக்களிடம் விளக்க முற்பட்டிருப்பது நல்ல அறிகுறி. இளைஞர் சமுதாயமும் மகளிரும் வெகுண்டு எழுந்தால் மட்டுமே, குடிமக்களை ‘குடிமக்களாக்கும்’ அரசின் மது வர்த்தகத்திற்கு முற்றுப்புள்ளி வைக்க முடியும்.
1950-ல் இயற்றப்பட்ட நமது இந்திய அரசியலமைப்பு சட்டத்தின் பிரிவு 4-ன் முக்கிய குறிக்கோளே, இந்தியாவில் உள்ள எல்லா மாநிலங்களிலும் பூரண மதுவிலக்கு கொண்டு வரப்பட வேண்டும் என்பது தான். உண்மையில் பேச்சுரிமை, எழுத்துரிமை போல, மதுவிலக்கைக் கோருவதும் உறுதிப்படுத்துவதும் குடிமக்களாகிய நமது உரிமை; நமது எதிர்காலத்தை நிர்ணயிக்கும் முதற்பெரும் கடமையும் கூட.

Read More

தமிழகத்தில் ஜனாதிபதி ஆட்சியை அமல்படுத்த வேண்டும் சுப்பிரமணியன் சாமி வலியுறுத்தல்

தமிழகத்தில் ஜனாதிபதி ஆட்சியை அமல்படுத்த வேண்டும் என்று பாரதீய ஜனதா கட்சியின் மூத்த தலைவர் சுப்பிரமணியன் சாமி வலியுறுத்தியுள்ளார்.

சொத்து குவிப்பு வழக்கில் ஜெயலலிதாவுக்கு 4 ஆண்டு சிறை தண்டனையும், ரூ.100 கோடி அபராதமும் விதித்து பெங்களூர் தனிக்கோர்ட்டு கடந்த சனிக்கிழமை

தீர்ப்பு கூறியது. இதைத்தொடர்ந்து, ஜெயலலிதா பெங்களூர் பரப்பன அக்ரஹாரா மத்திய சிறையில் அடைக்கப்பட்டு உள்ளார். ஜாமீன் கோரி அவரது தரப்பில்

தாக்கல் செய்யப்பட்ட மனுவின் விசாரணை வரும் 7ம் தேதிக்கு ஒத்திவைக்கப்பட்டுள்ளது. தீர்ப்பை தொடர்ந்து தமிழகம் முழுவதும் போராட்டங்கள்

நடைபெற்றது. இந்நிலையில் தமிழகத்தில் வன்முறை சம்பவங்கள் நடைபெறுவதை அடுத்து அங்கு மத்திய அரசு ஜனாதிபதி ஆட்சியை அமல்படுத்த வேண்டும் என்று பாரதீய ஜனதா கட்சியின் தலைவர் சுப்பிரமணியன் சுவாமி வலியுறுத்தியுள்ளார்.

ஜெயலலிதாவிற்கு தண்டனை விதிக்கப்பட்டதை தொடர்ந்து நடைபெறும் சம்பவங்கள் இழிவானது மற்றும் வெட்கக்கேடானது என்று சுப்பிரமணியன் சாமி கண்டனம் தெரிவித்துள்ளார். மோடி அரசு தமிழகத்தில் ஒரு வருடத்திற்கு ஜனாதிபதி ஆட்சியை அமல்படுத்த வேண்டும். அதன்பிறகு அங்கு மீண்டும் தேர்தல் நடத்தப்பட வேண்டும் என்று சுப்பிரமணியன் சாமி வலியுறுத்தியுள்ளார். வன்முறையில் ஈடுபடுபவர்கள் மற்றும் தேசவிரோத சக்திகளை தேசிய பாதுகாப்பு சட்டத்தின்படி கைது செய்ய வேண்டும் என்றும் சுப்பிரமணியன் சாமி கேட்டுக் கொண்டுள்ளார்.

-தினத்தந்தி.

Read More

ஆசிய விளையாட்டு ஆக்கி போட்டியில் பாகிஸ்தானை வீழ்த்தி இந்திய அணி ஒலிம்பிக் போட்டிக்கு தகுதி

ஆசிய விளையாட்டு ஆக்கி போட்டியில் பாகிஸ்தானை வீழ்த்தி 1998-ம் ஆண்டுக்கு பின்னர் தங்கம் வென்றுள்ள இந்தியா ஆடவர் அணி ஒலிம்பிக் போட்டிக்கு தகுதி பெற்றுள்ளது.

ஆசிய விளையாட்டில் ஆண்களுக்கான ஆக்கி போட்டியில் இன்று ‘கிளைமாக்ஸ்’ அரங்கேறியது. தங்கப் பதக்கத்திற்கான இறுதி ஆட்டத்தில் இந்தியாவும், நடப்பு சாம்பியன் பாகிஸ்தானும் பலப்பரீட்சையில் இறங்கின. இரு பரமஎதிரிகள் மோதுவதால் ரசிகர்கள் மத்தியில் இந்த ஆட்டம் மிகுந்த எதிர்பார்ப்பை ஏற்படுத்தியது. ஆட்டம் விறுவிறுப்பாக நடந்தது. ரசிகர்களின் எதிர்பார்ப்பை இந்திய அணி நிறைவேற்றியது. போட்டியில் இந்திய அணி பாகிஸ்தானை 4-2 என்ற கோல் கணக்கில் வீழ்த்தியது. பெனால்டி ஷூட் அவுட் முறையில் 4-3 என்ற கோல் கணக்கில் பாகிஸ்தானை இந்தியா வென்றது. ஏற்கனவே லீக்கில் 1–2 என்ற கோல் கணக்கில் பாகிஸ்தானிடம் தோல்வி அடைந்த சர்தார்சிங் தலைமையிலான இந்திய அணி அதற்கு வட்டியும் முதலுமா பதிலடி கொடுத்துள்ளது.

ஆசிய விளையாட்டில் 1958–ம் ஆண்டு அறிமுகம் ஆன ஆக்கியில் இந்திய அணி 1966 மற்றும் 1998–ம் ஆண்டுகளில் தங்கம் வென்றுள்ளது. 16 ஆண்டுகளுக்கு பிறகு மீண்டும் தங்கம் வெல்வதற்கு கிடைத்த அருமையான சந்தர்ப்பத்தை இந்தியா பயன்படுத்திக் கொண்டது. 8 முறை சாம்பியனான பாகிஸ்தான் 9–வது பட்டத்திற்கு குறி வைத்தது. ஆனால் ஏமாற்றமே மிஞ்சியது. இதில் வாகை சூடிய இந்திய அணி நேரடியாக 2016–ம் ஆண்டு ஒலிம்பிக் போட்டிக்கு தகுதி பெற்றது.

Read More

கருணாநிதியின் கயமைத்தனம் - கலைஞர் டிவியில் விடுமுறைதின சிறப்பு நிகழ்சிகள்.

        தொன்றுதொட்டு தமிழர்களின் பாரம்பரிய விழாவாக இருந்து வரும் ஆயுத பூஜையை இழிவுபடுத்திய அன்றைய முதல்வர் திரு. கருணாநிதிக்கு பதிலடியாக ஆதாரங்களுடன் எழுதப்பட்ட இந்தக் கட்டுரை தினமணியில் 10.10.2011 அன்று வெளியிடப்பட்டது. 

http://www.dinamani.com/editorial_articles/article686769.ece 

இதை ஆயுத பூஜையை முன்னிட்டு மறுபதிவு செய்கிறோம். 

ஆயுத பூசை இந்த ஆண்டும் வந்தது. வழக்கம்போல அரசியல் தலைவர்கள் வாழ்த்து தெரிவித்தனர். வழக்கத்துக்கு மாறாக கருணாநிதி, சென்ற ஆண்டைப் போல, ஆரியர் திருவிழா என்று சொல்லவில்லை. திகார் திகிலில் சிக்கி இருப்பதால், சென்ற ஆண்டைப் போல திராவிட பல்கலைக்கழகத்தில் பாடம் படிக்க வேண்டும் என்று யாருக்கும் அறிவுரை வழங்கவில்லை.

இவரின் கலைஞர் தொலைக்காட்சி விடுமுறை தின நிகழ்ச்சி என்று தன் சிறப்பு மசாலாக்களை ஒளிபரப்பியது.

கருணாநிதி குடும்பத்தைப் பொறுத்தவரை திராவிட - ஆரியப் பித்தலாட்டம் எப்பவும் அரசியலுக்குத்தானே தவிர, குடும்ப நிறுவனங்களின் வியாபார ஆதாயத்துக்கு ஒரு நாளும் குறுக்கே நின்றது கிடையாது.

தொன்மையான தமிழ் நூல் தொல்காப்பியம். ஒரு மன்னனையும் அவன் அரசாட்சியையும் எப்படி புகழ்ந்து பாட வேண்டும் என்று இலக்கணம் வடித்துள்ளது. ”உளியின் ஓசை பாடல் அரங்கேற்றம், 50-ம் திரைப்பட கதை-வசனம், பெண் சிங்கம் வெற்றி விழா'' போன்றவற்றை எல்லாம் புகழ்ந்து பாடுவதை பிழைப்பாகக் கொள்ளக்கூடாது என்பதற்காக எழுதப்பட்ட இலக்கணம் தொல்காப்பியம். ஆனால், "பூங்கா கண்ட நவீன தொல்காப்பியர் கருணாநிதி''யின் கண்ணில் படாத, தொன் பெரும் தொல்காப்பியத் திணைக்கு பாடான் திணை என்று பெயர். இதில்,

"மானார்ச் சுட்டிய வாண்மங்கலமும்'' - (பொருள் அதிகாரம் - 91)

என்று ஆயுத பூசை பற்றிக் குறிப்பிடப்பட்டுள்ளது.

மானார் என்ற சொல்லுக்கு மாண்புடையவர், போர் பயிற்சி பெரும் மாணவர், வெற்றி பெற்றவர் என்றெல்லாம் உரையாசிரியர்கள் பொருள் படுத்துகிறார்கள். ஆனால் அனைவரும் ஒப்புக்கொள்வது, இவர்கள் போர்க் கலங்களை நீராட்டிப் பூசை செய்கிறார்கள் என்பதுதான். இதன் மூலம் ஆயுத பூசை போற்றிப் பாடப்பட வேண்டிய ஒன்று என்று முதல் தமிழ் நூல் குறிப்பிடுகிறது. இப்படி ஆயுத பூசை போற்றிப் பாடப்பட வேண்டும் என்று அறிவுறுத்துகிறது தொல்காப்பியம்.

எதிரியின் கோட்டையை சுற்றி வளைத்து பிடிப்பதைப் பற்றிய விவரத்தைச் சொல்வது உழிஞை திணை. இதில்,

”வென்ற வாளின் மண்ணோ டொன்ற''  -  (பொருள் அதிகாரம் - 68)

என்று வெற்றி பெற்ற வாளை அபிஷேகம் செய்யும் குறிப்பு உணர்த்தப்படுகிறது.

"உடன் படு மெய்'' என்பதற்கு ஆசிரியரும் மாணவியும் இணைவதை உதாரணம் காட்டிய தொல்காப்பியப் பூங்கா எழுதி வக்கிரப் பார்வை பார்க்கும் கருணாநிதிக்கு ஆயுத பூசை எப்படிக் கண்ணில் படும்?

சென்ற ஆண்டு (2010) ஜெயலலிதா ஆயுத பூசை வாழ்த்து தெரிவித்தவுடன், ஜெயலலிதாவை ஆரியர் என்றார் கருணாநிதி. அப்படி என்றால் ஆயுத பூசை கொண்டாடுபவர்களும் ஆரியர்கள்தானே? சங்க இலக்கியமான பதிற்றுப் பத்து, மள்ளர்கள் ஆயுத பூசை கொண்டாடியதை விவரிக்கிறது. ஆயுத பூசையைக் கொண்டாடிய பாவத்திற்காக மள்ளர்கள் ஆரியர்களாகி விடுவார்களா?

"றொன்மிசைந் தெழுதரும் விரிந்திலங் கெஃகிற்

றார்புரிந் தன்ன வாளுடை விழவிற்

போர்படு மள்ளர் போந்தோடு தொடுத்த

கடவுள் வாகைத் துய்வீ யேய்ப்ப'' - (பதிற்றுப் பத்து, பாட்டு-66)

மள்ளர்கள் கேடயத்தையும் பூ மாலைபோல் பல வாள்களைக் கட்டி தொங்க விட்டும், அவற்றை பனை நாரினால் தொடுத்த வாகைப் பூ மாலை இட்டும் வணங்கினர் என்ற செய்தியை இந்த பாடல் தெரிவிக்கிறது. இந்தக் குறிப்பின்படி, இந்த விழவு மழைக்காலத்தில் நடந்திருக்க வேண்டும். வாகை மரம் மழைக்காலங்களிலும் பூக்கும் என்று இந்திய தாவரங்களைப் பற்றிய நூலான Flora Indica or Descriptions of Indian plants, Vol 1 By William Roxburgh, Nathaniel Wallich குறிப்பிடுகிறது. வாகை மலருக்கு வட மொழியில் "சீர்ஷா' என்று பெயர். அளகாபுரி நகரில், பெண்கள் கடம்ப மலரை தலையிலும் செந்தாமரையைக் கைகளிலும் "சீர்ஷா” என்ற வாகையைக் காதுகளிலும் அணிந்து கார் காலத்தில் அழகு பார்த்ததாக காளிதாசரின் "மேகதூதம்' குறிப்பிடுகிறது.(Floriculture in India  By Gurcharan Singh Randhawa, Amitabha Mukhopadhyay, p.607)

தமிழகத்தில், "வள்ளல்” என்ற சொல்லைக் கேட்டவுடன் நம் நினைவுக்கு வருபவர் அதியமான். இந்த அதியமானுக்கும், தொண்டைமான் என்ற மன்னனுக்கும் போர் மூளும் தறுவாயில், அப்போரைத் தடுக்க தமிழ் மூதாட்டி ஒளவையார் அதியமான் அரண்மனைக்குச் சென்றார். தொண்டைமானின் ஆயுதக் கொட்டிலில் போர்க் கலங்கள் நெய் பூசி, அலங்கரிக்கப்பட்டு வைத்திருந்ததைப் பார்த்து, தொண்டைமானிடம் அதியமான் அரண்மனையில் உள்ள ஆயுதங்கள் எல்லாம் கொல்லன் பட்டறையில் இருக்கிறது. ஆனால் இங்கோ பூசையில் வைக்கப்பட்டு இருக்கிறதே என்ற கேட்டதாக செய்தி ஒன்று காணப்படுகிறது. அரண்மனைக் கொட்டிலில் ஆயுதங்களுக்கு பூசை செய்யும் பழக்கம் புறநானூற்றுக் காலத்தில் இருந்த விவரம், முழுமையாகவும் முறையாகவும் சங்க இலக்கியம் படித்தவர்களுக்குத் தெரியும். பலருடைய உரைகளை ஒருங்கிணைத்து "சங்கத் தமிழ்” என்று தனது பெயரில் வெளியிட்டு மகிழ்ந்தவர்களுக்கு எப்படித் தெரியும்?

5-ம் நூற்றாண்டில் வாழ்ந்தவர் கருவூர் புகழ் சோழநாயனார். இந்த சோழ மன்னனின் பட்டத்து யானை, கோயிலுக்கு மலர் கொண்டு சென்ற பக்தன் சிவகாமி ஆண்டாரின் பூக்கூடையைத் தூக்கி எறிந்தது. இதைப் பார்த்த எரிபத்த நாயனார், பட்டத்து யானையையும் அதன் பாகனையும் வெட்டிச் சாய்த்தார் என்கிறது பெரிய புராணம்.

இதில் கவனிக்க வேண்டிய விஷயம் என்னவென்றால், அந்த பட்டத்து யானை புரட்டாசி நவமியன்று அபிஷேகம் செய்யப்பட்டு, அழைத்து வரப்பட்டது என்பதுதான். வாகனங்களை ஆயுத பூசை காலங்களில் அபிஷேகித்து, மரியாதை செய்வது 5-ம் நூற்றாண்டுத் தமிழர் மரபு. கி.பி. 897-ம் ஆண்டு திருவக்கரை சந்திரமௌலீஸ்வரர் ஆலயக் கல்வெட்டு, சித்ரா பௌர்ணமி மற்றும் புரட்டாசி ஓணத் திருவிழாக்கள், அபிஷேகத்துடன் கொண்டாடப்பட்டதாக தெரிவிக்கிறது.

”சித்திரை திங்கள் சித்திரையும்
பிரட்டாதி ஓணமும்'' - (South Indian Inscriptions, Vol 13, No 317, Archeological Survey of India)

புரட்டாசி மாதம் திருவோண நட்சத்திரம், வளர்பிறை தசமி திதியில் வரும். அதுவே விஜய தசமியாகக் கொண்டாடப்படுகிறது.

விழுப்புரம் மாவட்டத்தில் 12-ம் நூற்றாண்டைச் சேர்ந்த இறையான் நறையூர் (இலவா நாசூர்) கோப்பெருஞ்சிங்கன் கல்வெட்டுகளில், புரட்டாசி ஓணத் திருவிழா ஒரு பிரசித்தி பெற்ற பெருவிழாவாகக் கொண்டாடப்பட்ட தகவல் காணப்படுகிறது. விஜய நகரப் பேரரசு கி.பி. 1336-ல் தோன்றியது என்பது ஓரளவு வரலாறு படித்தவர்களுக்குத் தெரியும். இப்படி இருக்க, நாயக்கர்கள் ஆயுத பூசையைப் புகுத்தினார்கள் என்று சொல்வது கருணாநிதியின் அறியாமையா அல்லது வாடிக்கையான விஷ(ம)த்தனமா?

தான் உய்யா விட்டாலும் கவலையில்லை. உலகத்தின் கடை நிலை மனிதன் உய்தால் போதும் என்று, சமூகத்தின் மிகவும் தாழ்த்தப்பட்டவனுக்கு இறை வழியைப் போதித்த இராமானுசரின் ஸ்ரீபெரும்புதூர் கோயில் கல்வெட்டில், நவராத்திரி கொலு கொண்டாடப்பட்டதற்கான குறிப்பு 16-ம் நூற்றாண்டிலேயே பதிவு செய்யப்பட்டுள்ளது. இந்த இலக்கியக் குறிப்புகளிலும் கல்வெட்டுக் குறிப்புகளிலும் இடம்பெறும் மள்ளர்களும் (தேவேந்திர குலத்தோர்), மன்னர்களும், புலவர்களும், புரவலர்களும், நாயன்மார்களும், ஆழ்வார்களும் நம் மூதாதையர்களும் தமிழர்களில்லையா?

அறிவாலயத்தால் அங்கீகரிக்கப்படுபவன் மட்டுமே தமிழன், கோபாலபுரத்தாருக்கு எடுக்கப்படுவதே விழா என்று பூனை கண்ணை மூடினால் உலகம் இருண்டுவிடும் என்று கருதுபவர்களுக்கு இதெல்லாம் எங்கே தெரியப்போகிறது?

- http://vsrc.

Read More

ஆசிய போட்டியில் 'அநீதி': கதறி அழுது பதக்கத்தைப் புறக்கணித்த சரிதா தேவி!

ஆசிய விளையாட்டுப் போட்டிகளில் குத்துச் சண்டையில் நடுவர் தீர்ப்பினால் அநீதி இழைக்கப்பட்ட இந்திய வீராங்கனை சரிதா தேவி பதக்கமளிப்பு நிகழ்ச்சியில் கதறி அழும் காட்சி. | படம்: ஏ.பி.

மகளிர் 60 கிலோ எடைப்பிரிவு குத்துச் சண்டை அரையிறுதியில் தென்கொரிய வீராங்கனை ஜினா பார்க்கிற்கு ஆதரவாக செயல்பட்டார் நடுவர். இதனால் அநீதி இழைக்கப்பட்ட இந்திய வீராங்கனை சரிதா தேவி வெண்கலப்பதக்கத்தை வாங்க மறுத்தார்.

மேலும் பதக்கம் அளிக்கும் மேடையில் நின்று கொண்டு தனக்கு இழைக்கப்பட்ட அநீதியைத் தாங்க முடியாமல் கதறி அழுதார்.

அரையிறுதியில் ஜினா பார்க் என்ற கொரிய வீராங்கனையை எதிர்கொண்ட இந்திய வீராங்கனை சரிதா தேவி அபாரமாக விளையாடினார். ஜினா பார்க் வெற்றி பெற வாய்ப்பேயில்லை என்ற நிலையில் சரிதா தேவி வெற்றிப் பதக்கத்தை நிச்சயம் எதிர்பார்த்தார்.

ஆனால் நடுவர் சற்றும் எதிர்பாராத வகையில் தென் கொரிய வீராங்கனை ஜினா பார்க் வென்றதாக அறிவிக்க அனைவருக்கும் அதிர்ச்சி ஏற்பட்டது.

இதனையடுத்து சரிதா தேவியின் கணவர் தோய்பா சிங் கடும் கோபமடைந்து நடுவரை நோக்கி திட்டியபடியே குத்துச் சண்டை வளையத்திற்குள் நுழைய முயன்றார்.

சரிதா தேவி பின்பு செய்தியாளர்கள் சந்திப்பில் அழுதபடியே கூறும்போது, “எனக்கு அநீதி இழைக்கப்பட்டு விட்டது. ஜினா பார்க்கிற்கு சாதகமாக தீர்ப்பு வழங்குவது என முன் கூட்டியே முடிவெடுத்து விட்டார்கள். இப்படித்தான் தீர்ப்பு என்றால் எங்களை ஏன் விளையாட விட்டிருக்க வேண்டும்?” என்று கேள்வி எழுப்பினார்.

இதனையடுத்து இந்திய அணி நிர்வாகம் சரிதா தேவி அநீதி முடிவை எதிர்த்து முறையீடு செய்தனர். ஆனால் அங்கும் நீதி கிடைக்கவில்லை. நடுவர் தீர்ப்பை மாற்ற முடியாது என்று கூறி மறுத்து விட்டனர்.

இதனையடுத்து இன்று பதக்க நிகழ்ச்சிக்கு கண்ணீருடன் வந்த சரிதா தேவி பதக்க மேடையில் கதறி அழுதார். வெண்கலப் பதக்கத்தை அணிய அவர் மறுத்து விட்டார். கொரிய வீராங்கனையை அழுதபடியே தழுவிய சரிதா தேவி பதக்கத்தை அவரிடம் கொடுத்தார்.

முன்னாள் ஆசிய மற்றும் உலக சாம்பியனான சரிதா தேவி மனமுடைந்த நிலையில் பதக்கமளிப்பு நிகழ்ச்சியிலிருந்து கண்ணீருடன் வெளியேறினார்.

சரிதா தேவியின் குத்துச் சண்டை ஆட்டத்திறனுக்கு முன்பாக அன்று ஜினா பார்க் ஒன்றும் செய்ய முடியவில்லை. ரசிகர்கள் சரிதா தேவிக்கு ஆதரவாக குரல் கொடுத்துக் கொண்டிருக்கையில் நடுவர் சற்றும் எதிர்பாராத விதமாக ஜினா பார்க் வென்றதாக அராஜக அறிவிப்பை வெளியிட அனைவரும் திகைத்துப் போயினர்.

அனைத்திற்கும் மேலாக மிகவும் வெளிப்படையாக இந்திய வீராங்கனை சரிதா தேவிக்கு அநீதி இழைக்கப்பட்டும் மேல் முறையீட்டிலும் நீதி கிடைக்கவில்லை என்பது நடப்பு ஆசிய போட்டிகள் நடத்தப்படும் நேர்மை மீது கடும் சந்தேகங்களையும் கேள்விகளையும் எழுப்பியுள்ளது.

இதனிடையே, சரிதா தேவிக்கு ஆதரவாக இணையத்தில் ஆதரவு குரல் பெருக்கெடுக்கத் தொடங்கியுள்ளது. ட்விட்டரில் #saritadevi என்ற ஹேஷ்டேக்கில் நிமிடத்துக்கு நூற்றுக்கணக்கான பதிவுகள் குவிக்கப்பட்டு வருகின்றன. 

-தி இந்து.

Read More

சீனப்பட்டாசு விற்பதை பார்த்தால் போலீசுக்கு தகவல் தெரிவிக்க நிர்மலா சீதாராமன் வலியுறுத்தல்

மத்திய வர்த்தகம் மற்றும் தொழில்துறை இணை மந்திரி நிர்மலா சீதாராமன் நேற்று சென்னையில் நிருபர்களிடம் கூறியதாவது:-

சீனாவில் இருந்து கண்டெய்னர் கண்டெய்னராக பட்டாசுகள் இந்தியாவிற்கு வருகின்றன. அவை விலை குறைவாக உள்ளன. அவற்றை பதுக்கி வைத்துக்கொண்டு பட்டாசுகள் கேட்கும் போது அவை விற்கப்படுகின்றன அதனால் சிவகாசி பட்டாசுகள் விற்பனை பாதிக்கப்படுகின்றன என்று புகார் தெரிவித்தனர்.

உடனடியாக மத்திய அரசு, இந்த புகார் குறித்து நடவடிக்கை எடுத்துள்ளது. அதாவது சீனா உள்ளிட்ட எந்த வெளிநாடுகளில் இருந்தும் பட்டாசுகளை இந்தியாவிற்குள் இறக்குமதி செய்ய யாருக்கும் அனுமதி வழங்கவில்லை.

அந்த பட்டாசுகளால் விபத்து ஏற்பட வாய்ப்பு அதிகம். அந்த பட்டாசுகளால் பாதுகாப்பு இல்லை. எனவே சீனபட்டாசுகளை யார்வைத்து விற்றாலும் உடனே போலீஸ்நிலையத்தில் புகார் செய்யுங்கள். கடும் நடவடிக்கை எடுக்கப்படும். இது குறித்து இந்தியா முழுவதும் உள்ள அனைத்து மாநில முதல்-அமைச்சர்களுக்கும் கடிதம் அனுப்பப்பட்டுள்ளது. பொதுமக்களுக்கும் விழிப்புணர்வு ஏற்படுத்தப்பட்டு வருகிறது.

தமிழக முதல்-அமைச்சர் ஜெயலலிதாவுக்கு கர்நாடக நீதிமன்றம் தண்டனை வழங்கி உள்ளது குறித்து எதுவும் பேச விரும்பவில்லை. காரணம் இது கோர்ட்டு தீர்ப்பு. பொதுமக்களை பாதிக்காத வகையில் சம்பவங்கள் நடக்கவேண்டும். பொது மக்களின் முன்னேற்றத்திற்கு எதுவும் தடையாக இருக்கக்கூடாது. வன்முறை எங்கும் இருக்கவேண்டாம்.

இவ்வாறு நிர்மலா சீதாராமன் தெரிவித்தார்.

முன்னதாக நிர்மலா சீதாராமன் சென்னை மியூசிக் அகாடமியில் நடைபெற்ற தொழிலாளர் வைப்பு நிதி மண்டல ஆணையம் சார்பில் நடந்த விழாவில் கலந்துகொண்டார். பிரதமர் நரேந்திரமோடி கொண்டுவந்துள்ள குறைந்தபட்ச ஓய்வூதியம் ரூ.1,000 பென்சன் திட்டத்தையொட்டி சென்னை மண்டலத்தில் 10 ஓய்வூதியதாரர்களை நிர்மலா சீதாராமன் பொன்னாடை போர்த்தி கவுரவித்து பேசியதாவது:-

பிரதமராக நரேந்திரமோடி பதவி ஏற்றதும் ஏழைமக்களை பற்றியே சிந்தித்து வருகிறார். அதனால் தான் சமூக பாதுகாப்பு திட்டத்தை கொண்டுவந்தார். அதன்படி விதவைகள் உள்ளிட்ட ஓய்வூதியம் பெறுபவர்களில் ஆயிரம் ரூபாய்க்கு குறைவாக யாரும் வாங்கக்கூடாது என்று நினைத்து குறைந்தபட்ச ஓய்வூதியத்தை ஆயிரம் ரூபாயாக உயர்த்தினார்.

இதனால் இந்தியாவில் உள்ள லட்சக்கணக்கான ஏழைகள் பயன் அடைகிறார்கள். பிரதமர் தன்னை மக்களுக்கு தொண்டு செய்யும் சேவகனாகத்தான் நினைக்கிறார். மக்களுக்கு எவ்வளவு நன்மை செய்ய இயலுமோ அந்த அளவுக்கு செய்யவேண்டும் என்று திட்டமிட்டு செயல்பட்டு வருகிறார்.

இவ்வாறு நிர்மலா சீதாராமன் தெரிவித்தார்.

விழாவில் தொழிலாளர் வைப்பு நிதி மண்டல ஆணையர்கள் பிரசாத், மதியழகன், பங்கஜ் ராமன் மற்றும் வருங்கால வைப்பு நிதி பிரதிநிதி இமயம் கக்கன், ரேவதி, சுரேஷ் உள்பட பலர் பேசினார்கள்.

இந்த நிகழ்ச்சியில் பா.ஜ.க. மாநில தலைவர் டாக்டர் தமிழிசை சவுந்தரராஜன் உள்பட பலர் கலந்துகொண்டனர். 

-மாலைமலர்.

Read More

கை.களத்தூர் - அய்யனார்பாளையம் இடையே பாலம் கட்டும் பணி துரிதப்படுத்தப்படுமா?

கை.களத்தூர்- அய்ய னார்பாளையம் இடையே பாலம் கட்டும் பணியை துரிதப்படுத்த வேண்டும் என்று பொதுமக்கள் கோரிக்கை விடுத்துள்ளனர்.

பாலம் கட்டும் பணி

பெரம்பலூர் மாவட்டம் வேப்பந்தட்டையை அடுத் துள்ள கை.களத்தூரிலிருந்து அய்யனார்பாளையம் வரை செல்லும் சாலை மிகவும் மோசமான நிலையில் குண் டும் குழியுமாக கிடந்தது. மேலும் இந்த சாலையின் இடையே செல்லும் ஆற்றில் பாலம் ஏதும் இல்லாததால் மழை காலங்களில் கடந்து செல்ல முடியாமல் பொது மக்கள் அவதிப்பட்டு வந்தனர். இதனைத்தொடர்ந்து கடந்த ஓர் ஆண்டுக்கு முன்பு பிரதம மந்திரி கிராம இணைப்பு சாலைகள் திட்டத்தின் கீழ் சுமார் ரூ.2 கோடி நிதி ஒதுக்கீடு செய்யப்பட்டு பணிகள் ஆரம்பிக்கப் பட்டது.

துரிதப்படுத்த கோரிக்கை

இந்நிலையில் பணிகள் தொடங்கி ஓராண்டுக்கு மேல் ஆகியும் தார்சாலை அமைக் கும் பணியும், பாலம் கட்டும் பணியும் ஆமை வேகத்திலேயே நடந்து வருகி றது. குறிப்பாக ஆற்றின் குறுக்கே பாலம் கட்டும் பணி நடப்பதால் லேசான மழை பெய்தால் கூட ஆற்று பள்ளத்தில் நீர் தேங்கி போக் குவரத்திற்கு மிகுந்த இடை யூறு ஏற்படு கிறது. இத னால் வாகன ஓட்டிகள் ஆற்றைக் கடக்கும் போது உயிரை கையில் பிடித்துக் கொண்டு வாகனத்தை ஓட்ட வேண் டிய சூழ்நிலை உள்ளது. எனவே ஆமை வேகத்தில் நடக்கும் பாலம் கட்டும் பணியையும், தார் சாலை அமைக்கும் பணியை யும் சம்பந்தப்பட்ட துறை அதி காரிகள் துரிதப்படுத்தி பணிகளை உடனடியாக முடித்து பொதுமக்கள் பயன் பாட்டிற்கு விட வேண்டும் என அய்யனார்பாளையம் பொதுமக்கள் தமிழக அரசுக்கு கோரிக்கை விடுத்துள்ளனர்.

-தினத்தந்தி.

Read More